Fasia de temps qu’anaviam plus dins los espitals.

Primier lo lengatge tecnic per dire de causas simplas: vocabulari tecnic qu’es dich al malaut en plaça de li dire amb la reviraia en lengatge corrent. Dos, l’escritura dals mètges. Aver passat tant d’ans d’estudis per escriure coma de porquets, levat qu’aüra de mai en mai pican sus l’ordinator. Tres lo costat auturós, d’unos se pilhan quasi per Dieu “vau vos far aquò” quasi aurian l’impression de vita e de mòrt sus de vos. Aver ges de pedagogia e dire quasi ren. Remar per aver las informacions.

Après lo labirinte per se desplaçar dins un espital. Parlo ren dals pichins espitals, quora ne’n rèsta e que non son cambiats en Maison de retir. Non, los espitals de ciutat. Far la coa, saber dins quin servici A anar e pi dins quin servici Z anar. Demandar lo sieu camin a una infirmiera que vos agacha, ela tanben d’aut. Pausar de questions e que vos es fach clarament capir que sètz un debil prefons.

Après las pichonas combinas administrativas. Far venir un jorn de mai per far comptar una nuech de mai. Los despassaments d’onoraris, perqué cal pagar la piscina jacuzzi dal o de la Doctor/ Doctoressa (doctritz? non galejo).

Una formiguiera de gents per la santat. E de braves gents tanben, per fortuna. Mercés en els!