Opinion
Clinhet d’estiu per los petits: lo porquetòt
Tèxte legit
Adishatz a totas e tots,
La fin de l’estiu s’anonça…Las vacanças s’estiran doçament cap a la fin d’agost.
Vos prepausi un jòc de dits plan coneishut per los mei pichons.
Lo porquetòt
Per aqueth caminòt, passava un porquetòt…
man esquèrra oberta e lo dit segond de la man drèita que s’i passeja.
Aqueth que l’a vist,
amuishar lo dit poç
Aqueth que l’a gahat,
dit segond
Aqueth que l’a tuat,
dit magèr
Aqueth que l’a minjat
dit de l’anèth
E lo tot petit? N’en volèva un chic!!
dit minin
Un chic, un chic, un chic!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Çai-jos una varainta pels dets (Carcin)
Per aquela pradeleta (s’alispa lo clòt de la man) es passada 'na lebreta :
Lo poça (crinca pesolhs): aquel d'aquí l'a tuada ;
lo guinhaire(tasta rimòtas) : aquel d'aquí l'a escorgada ;
lo del mitan (rei del cèl), aquel d'aquí l'a facha còire;
Lo porta anèl, (segondèl) aquel d'aquí l'a manjada, tota manjada ;
Lo pichon (pichonèl) que se brandís mai que los autris, aquel d'aquí çò ditz « Cui, cui, cui, ne vòli 'n bocin ! »,
puèi se fa tastigòls (cassius, gratilhs, cossergas) al clòt de la man en disent minon minon minon
(Minon minon minon es guili guili guili en francés).
De notar tanben que lo revèrs de la man se dis « cleda de la man) lo crinca pesolh quilhat es lo guindal (le montant) , los autris dets tibats « las tavèlas » les traverses.
N’ai d’autras enquèra….
Pels mai grandets.
Quand se farga un estuflòl, atal se canta :
Saba saba pèl de craba, pel d’auriòl
Vira vira l’estuflòl
Se vòs pas virar t’aronsarai dins lo valat
Clic ! Clac ! Bernat !
Mon estuflòl a plan virat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari