Aviam ja publicat una opinion sus las traças d’implantacion d’occitans en Portugal. Segurament al sègle XIII. L’excepcionala preséncia d’“u” [y] dins lo dialècte portugués local es de notar dins la peninsula ispanica. Dal bòn. Una traça de la lenga occitana. Ben mai que los digrafes nh e lh deguts a la codificacion d’un evèsque occitan. Al moment que Portugal se desseparèt dal reiaume d’Asturias.

Leon, al sègle XI, Braga n’èra la metropòli politica e religiosa. Lo rei demandèt a l’arquevèsque de Braga de trobar una grafia pròpia per la lenga portuguesa , per de rasons tant politicas que linguisticas , per emancipar lo portugués dal castilhan. L’arquevèsque de Braga èra alora São Geraldo (+ 1109) de son nom de naissença Gerard de Moissac naissut e educat en las terras dal comtat de Tolosa. La grafia autra que conoissia São Geraldo èra la grafia pron elaboraia utilizaia per l’administracion dal Còmte de Tolosa.... e los trobadors, cf. Joan RIGOSTA in PARAULAS de Novelum n°156 julhet de 2017 Article TOPONIMIA p 20.:

“la lenga portuguesa s’escriu en grafia occitana perqué foguèt ensenhada aval per São Geraldo arquevèsque de Braga nascut Gerard de Moissac .”

Dins aquela zòna frontiera portuguesa a mens de 20 kms d’Espanha i son un molon de comunas als noms occitans.

Es administrativament a caval entre lo districte de Castelo branco e aquel de Porto Alègre.

I son de tradicions particularas a mai dal fromai e de la dentèla, los topins incrustats de peiretas lo mai sovent blancas.

Vos laisso lo plaser d’agachar qualquas vidèos sus l’airal.

Referéncias:

Nisa

Castelo de Montalvão

Distrito de Portalegre

Distrito de Castelo Branco

Proença a Velha

Idanha a Nova

Beira Baixa

Ai trobat de vidèos mas non ai sentit de “dialècte” de l’aut Tage portugués dins:

Mai de vidèos sus Proença a Velha