Dempuèi quauque temps pareis que la Còvid torna en fòrça. Del còp, joves coma mens joves vòlon saber se son pertocats o pas per la marrana. Venèm just de reçaupre lo mòde  d’emplèc del darrièr tèst que ven d’espelir. Es pas francés. Es un tèst novèl chinès. Aquel tèst secret ven d’escapar al laboratòri chinés e va èsser espandit a tota la planeta. En primièra mondiala, podèm vos lo presentar estent qu’avèm agut l’autorizacion del responsable del laboratòri, de la viça- ministra, de la ministra de la santat e del President chinés Xi.

 Tre qu’ausissètz tèst, pensatz al trauc del nas e a l’escobilhon. Pensatz presa d’escupinha dins la boca. Pensatz benlèu a la presa de sang. Pensatz benlèu al tèst PCR. E ben, brave monde, soi al desespèr de vos dire: vos enganatz!

Aquí lo mòde d’emplèc menimós del tèst de primièra borra, revolucionari, inventat per los pus nauts cercaires chineses:

1. Se sabonar las mans al mens tres minutas e lo rei de totes (major) de la man drecha al mens cinc minutas,

2. S’eissugar las mans, tirat lo rei de totes. Lo servar trempe,

3. Plan tibar lo rei de totes,

4. Lo se dintrar dins lo trauc del cuol, dos centimètres de prigondor pas mai,

5. Virar e tornar virar d’aiseta lo rei una minuta,

6. Lo retirar doçetament,

7. Avançar lo rei de totes davant vòstre nas, a un centimèstre, pas mens, pas mai.

E aquí lo verdicte tomba sul pic:

• se sentissètz pas res: sètz covidat/da,

• se sentissètz la M...: sètz pas covidat/da.

Aquel tèst es fissable a 100 de cent pels òmes coma per las femnas. Pòt èsser renovelat cada jorn, cada nuèch a l’ora que volètz. Pensam que va èsser un mejan poderós per luchar contra la marrana. Tre ara, podèm afortir, sens nos enganar, qu’es una avançada granda de la recèrca chinesa dins lo domèni dels tèsts. Podèm pensar que serà, deman, obligatòri per las femnas e òmes de la planeta tota!

A partida d’uèi, podèm pas pus dire: Còvid o pas còvid? aquí la question!

Clamenç
Umorista