Opinion
Un govèrn occitanofile?
Sabi pas s’es l’informacion màger de la setmana passada, mes au mens es aquera mès comentadas dens los mèdias: França a un govèrn navèth. Sabèm pas se’ns podèm regaudir, atristir o fóter. Quand disi "nosauts", pensi aus que son estacats a la cultura occitana.
Sufís pas que de dar una uelhada au curriculum vitae deus ministres per saber s’an agut o pas, dens lor vita, contactes dambe nòsta cultura, çò que poderé estar un avantatge. Vesèm:
Gabriel Attal (Capministre): nascut a Clamart, infància a París, estudis a París, demòra a París.
Bruno Le Maire (Ministre de l’Economia): nascut a Neuilly-sur-Scène, infància a París, estudis a París, demòra a París.
Gérard Darmanin (Ministre de l’Interior): nascut a Valenciennes, infància a París, estudis a Lille, radics avesnés (Nòrd).
Catherine Vautrin (Ministra deu Trabalh): nascuda a Reims, estudis a París, elegida a Reims.
Amélie Oudéa-Castéra (Ministra de l’Educacion Nacionala): nascuda a París, infància a París, estudis París, demòra a París.
Marc Fresnau (Ministre de l’Agricultura): nascut a París, infància a París, estudis a París, elegit dens lo Loir-et-Cher.
Rachida Dati (Ministra de la Cultura): nascuda en Saône-et-Loire, infància a Châlons-sur-Saône, estudis a Dijon puèi a París.
Sébastien Lecornu (Ministre de las Armadas): nascut en Val d’Oise, infància dens Eure, estudis a París, elegit normand.
Eric Dupond-Moretti (Ministre de la Justícia): nascut a Maubeuge, infància e estudis a Lille, avocat a Lille puèi a París, proprietari d’una bòrda dens las Flandras francesas.
Stéphane Séjourné (Ministre deus Ahars estrangèrs): nascut a Versailles, infància dens las Yvelines, Madrid, Mexico, Buenos Aires, estudis a Peitius.
Christophe Béchu (Ministre de la Transicion ecologica): nascut a Angers, estudis a París e Peitièu, radics angevins.
Sylvie Retailleau (Ministra de l’Ensenhament): nascuda a Niça, licèu a Tolon, estudis a París, emplec a París.
Doncas en conclusion, se cau pas hèr illusions sus çò de nòu que poderé portar en mestior de cultura minorizada aqueste govèrn que, normalament, deveré estar lo rebat deu pòble.
Enfin, normalament….
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es que lo Joan-Marc podria nos far la meteissa analisa sus lo ligam qu'an aquelas femnas o omes politics d'aquel govèrn novèl lor conjunt e las bancas . Pensi que n'aprendriam de polidas!
Soi pas segur que l'origina del ministre sia lo factor decisiu.
Quora aviam Jean Castex [o Joan Castèths, se t'agrada mai], cònsol de Prades, identificat coma "parlant amb accent" (del miègjorn) e catalanofòn per volontat, la situacion de las lengas s'en portava pas melhor.
Ai pas la solucion, mas es clar que basta pas d'aver d'elegits "occitans" (emai un president, coma Vincent Auriòl, occitanofòn, de Revel, qu'escriguèt de pichons poèmas - pro mediòcres, en oc sus sa vila) per que las ideologias politicas e las mentalitats càmbien.
Dins lo païsatge electoral neoliberal de pel mond, non se cal pas far d'illusion ; un govèrnament elegit, quin que siá es l'amic de los que li auràn finaçat sa campanha electorala o, eventualament, los que li finançaràn la campanha electorala seguenta, ni mai, ni mens.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari