A la vista dals corriers que son en los papiers de familha e lo tèxt de la cosina de mon paire, me demandavo perqué mon reire reire grand estasia en Grassa. Sos quatre fius son naissuts en las Aups Bassas en Solelhàs o en Alemanha de Provença! Ai trobat qu’es vengut en Grassa qu’era d'aquel temps en lo despartament de Var per los estudis de sos enfants. Après, quora los tres ainats èran sus la Mar Negra en la guèrra de Crimea, aquelos insistian sus lo ponch que lors parents devian faire san Miquèu en Tolon. L’ainat era comís de la Marina e los dos cadets fasian lors estudis de Medecina coma cirurgians de marina. La sant Miquèu s’es facha qualquas annaas mas tardi. Pi an fach ancara sant Miquèu de Tolon en Tolon.