Lo divendres passat ma quinesiterapeuta a denembrat mon suenh e es partia tot pròche de'n Casternòu. Es anaa en Peuna fins en l’amont de la valaa dau Tuebi.

Es anaa en lo pichon vilar de la Baumeta ont i es la chapela de Sant Joan lo Baptista amb d’amics. Pi an puat (coma si ditz en Peuna), an montat fin a la Tèsta de Meric. D'aquest luec avian una fòrça polia vista sus lo cirque environat de chalanchas burelas, qu’as au mitan lo vilatge de Casternòu, mas lo sabian pas.

Sabian pas que sus l’adrech de la Tèsta de Meric son de fragostiers. Es pas la sason ! mas se avian calat fins als Ivernasses de'n Bochaniera aurian pogut manjar un bèl plat de ravòlis à las cogordas! pi s’encalar fins a la Baumeta sus un chamin mas larg.