Opinion
Las fanfaronadas de Macron
L’allusion deu president de —benlèu— mandar tropas en Ucraïna a bolegat lo paisatge politic francés. Com ac disèvi la setmana passada, am vist aparéisher en çò d’uns comentators un cambiament d’escenari que’s desmarquèc de çò qu’am ausit dempuèi la debuta.
Totun, i a quicòm que’m tafura. Vos balhi mon sentit, ne sabi pas ren, mes semblaré que Macron parlèsse sustot a l’electorat. Sabètz qu’i aurà lèu eleccions europencas e que la lista de sosteng au president es davantejada per la deu RN.
Doncas lo periòde electorau se daubrís, e la guèrra, èra, dura dempuèi duas annadas. A la debuta deu conflicte, l’armada russa que’s hasèva en davant de cap a Kéïiv, representava un dangèr fòrça mès important que non pas ara. Uei lo dia lo front s’es estabilizat.
Lavetz perdequé hèr coma se lo dangèr èra mès gran ara? La venguda d’eleccions sembla una rason racionala. E per n’ajustar un pauc, lo president rus Potin èra tanben en periòde electorau, quan los dirigents deus Estats Units … tanben.
Fin finala lo Macron a plan manobrat. A hèit passar lo RN per complici de Potin e l’opausicion d’esquèrra per capitulaires que reprodusissen la conferéncia de Munic de 1938.
De mès, mestreja tot, a causit lo subjècte deu debat, e aquò permet de n’estujar d’autes sus los quaus seré benlèu pas tan paradaire.
Totis los especialistas de la manipulacion de las horas vos diseràn que esvarjar lo pòble ajuda a çò que’vs hascan hidança, e la guèrra a totjorn reünit lo bon pòble darrèr son miaire.
Los dus a l’encòp, plan jogat, l’artista!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Quand totòm vos mentís sense relambi, lo resultat non es que cresètz aquelas meçorgas mas que degun mai non crei pas res. Un pòble que non pòt creire res non se pòt far una opinion. Se tròba privat non solament de sa capacitat d'agir mas tanben de sa capacitat de pensar e de jutjar. E amb un pòble aital, podètz far tot çò que volètz." (In "Entreten amb Roger Errera, sus la question del totalitarisme" 1974)
Los occitanistes se fan una brava farfantela sur la guerra entre l'occident e Russia.
S'acabara per la demission de tots los dirigeants europeens, de Macron comme de Biden per los USA.
Aqueus dirigeants europeens an pus de fòrças militarias, ni economicas, ni financieras per sostener una tala guerra. De mai an p'un piau pus de sosten populari. Es pas Biden que commanda en America.
E nòstres, paubres occitanistes, anirem sauvar nos dirigeants que renhan per la corupcion?
Anirem sauvar França per far un nòu memorial a Paris aus victimes de la guerra.
Era dins lo camp daus visigoths quand Clovis los attaquet; era dins lo camp daus catares, e daus comptes de Tolosa quand Lo rei de França aidat per la Gleisa de Ròma brulet 200 catars. Era dau bias d'Alienor d'Aquitena e de sos filhs contre Jana d'Arc; era dau costat daus camisards, daus protestants, Era dins los opausants a las conquesta colonialas e contre la guerra d'Algeria. Era Jacquou lo croquant quand defendia son onor; era d'Artanhan que faguet lo valet de Lois XIV contre son pòple d'origine. Coma ilh tròp d'occitans fagueran pariers.
França es mas un discors e lo discors l'òm pòd lo cambiar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari