Opinion
11 d’abriu de 1984: la debuta
Fa 40 ans, en 1984, Lo Moviment dau 11 d’Abriu das associacions occitanas inicièt a Montpelhièr la primièra accion cap a una collectivitat per una politica publica per l’occitan.
Al cap de meses de butada energica capitèron de fa crear a la Region lo primièr budget e lo primièr pòste de cargat de mission per l’occitan daus Païses d’Òc.
Eveniment important puòi que, dins la nòstra societat, cap de lenga pòt pas viure sens una accion publica activa.
Cal rementar qu’en 84 la Region Lengadòc-Rosselhon èra a se cambiar en vertadièra collectivitat. Aviá pas encara coneguda d’eleccion e per aquò èra l’afar de “Grans Elegits” coma son president lo Robert Capdeville president dau departament d’Aude.
La tota novèla decentralizacion (82 e 83) veniá de ne cambiar la governança que passava enfin daus prefèctes, que cada còp censuravan a priòri los sujets occitans, aus elegits.
Aquel "Moviment dau 11 d’Abriu" foguèt istoric e fondator. Utilizèt la decentralizacion tre sa debuta per obténer la primièra accion regionala per nòstra lenga-cultura. E foguèt un exemple per las autras regions e permetèt d’espandir las accions culturalas e educativas.
Se faguèt amb un sosten larg dins la societat: sindicats obrièrs (CFDT, CGT), agricòlas (MIVÒC, païsans e elevaires) e tanben de personalitats coma los liders viticultors Huillet e Maffre-Baugé.
E dins l’accion lo Robèrt Lafont, un dels paires de la regionalizacion.
Se rementar es pas repapiar, es l’escasença de mesurar lo camin fach (o pas fach), çò que demòra... Atau es una ajuda per uèi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'estat frances pòd pus fonccionar sur un centralisme autoritari e son prestes a decentralisar. Mas, volan subretot pas d'una unitat occitana. Es per aquò que los medias, los politics, mesme las multinacionalas volan pas desfar França. França sens Occitania es pus ren. Deven una region.
Es per aquò l'òm pòd se puja sur lo movament occitaniste mas redde chau lo controlar, lo maitrisar de faiçon a çò que damora dins lo regionalisme e que se parla pas de catarisme basat sur una filosofia sens ierarchia.
Aitau òc-es a l'occitan en lengadoc mas non a una unitat occitana. I a pas de negociacion possible.
L'occitanisme es confrontat a d'aquel problem. O ben luchar politicament o ben se contentar d'una revendicacion culturala sens devenir..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari