Perseguissèm vòstra educacion e vòstra compreneson analitica rapòrt a nòstras originas que trapan, plan sovent, unas explicas sensadas dins çò qu’advenguèt bèl temps i a en Grècia.

• Infèrn: Per gasar Estix, estimatz mai de prene un estilo o de faire mòstra d’estilistica elastica?

• Luna: Selene esvitava de faire la ruscada los jorns de luna mercruda.

• Marselha: Es a Marselha (Focèa) que lo Tese afrontèt non pas un minotaure mas un minòt aure!

• Monument: Al Partenon, i caliá demorar!

• Mòrt: Esvitatz las escorregudas del costat del mond Atos que lo Tanatos riscariá de vos agantar per totjorn.

• Navigacion: Suls naviris grècs, los mossalhons èran encargats de la preparacion de la mossacà.

• Ortalan: Erato es mai que mai conegut per son expression: “Puta de rastèl!”

• Policia: Cassandra èra una policièra vilandresa.

• Potz: ”La vida es coma un potz sens fons… e que vire la carrèla!” estimava lo Poseïdon-dondon-dondèna!

• Pre-comunisme: Demetèr teniá una faucilha, mas jamai se faguèt amb un faure per aver un martèl.

• Problèma: Atlantida, avètz plan dit Atlantida? Mas cossí trapar la Mar granda dins la Mar nòstra?

• Quimèra: En Roèrgue, lo Joan Bodon cacèt la quimèra: cap de lion, còs de craba e dragon darrèr! De las entralhas del dragon, extirpèt los contes del Drac!

• Res de res: Arès èra bon a res e a pas grand causa.

• Revelh: Auròra aviá pas brica besonh de revelh per dobrir los uèlhs a punta d’alba.

• Silenci: Chut e mut, calhatz-vos, qu’empachariatz l’Ipnòs de roncar e de persègre sos sòmis! E quna capacitat bèla de dormir los uèlhs dobèrts!

• Solelh: Estiu coma ivèrn, l’Estiòs vos rescalfurava la pèl e los òsses.

• Suplici: Lo Tantala auriá pas patit lo suplici s’aviá pas doblidat sas sandalas.

• Temps: De la paur d’èsser en retard, lo Cronòs jamai rosegava los òsses. Çaquela, la melhora carn es la que tòca l’òs…

• Venjança: Ne’n podiá pas mai, lo paure grèc, alara neguèt la Nemèsis dins la font de Nimes.

• Vent: Tifon se crei lo mai fòrt dels vents, mas coneis pas cèrç e marin!

• Vestits: L’Artemisa èra totjorn plan mesa e, pel solstici d’estiu, portava (o pas) raubas d’un biais artistic.

• Zòrba: La fòrça e l’intelligéncia de Zòrba venon de la consomacion quotidiana de feta e d’osò.

Grammateus Roch