Opinion
Combinason de projèctes: OSM e SuperTuxKart
Fa qualques meses vos parlèri de SuperTuxKart en demandant d’ajuda per la traduccion. Puèi vos presentèri l’aplicacion StreetComplete aqueste estiu.
Ara vos vòli parlar d’un projècte de modelizacion 3D de donadas d’OpenStreetMap per fargar de circuits novèls a destinacion del jòc vidèo SuperTuxKart.
La concepcion es realizada amb lo logicial 3D liure Blender, amb las donadas disponiblas en open data, trapa los elements e lor textura per tal de prepausar una corsa novèla pel jòc.
I a una vidèo de çò que sembla per la vila de Vandœuvre-lès-Nancy en Meurthe e Mosèla.
Tròbi qu’aquesta iniciativa es un plan bon exemple de la reütilizacion de donadas a liura disposicion e que permet de veire una illustracion concrèta de las contribucions qu’òm pòt fornir.
Una informacion: pel monde que vòlon contribuir a OpenStreetMap del biais de StreetComplete mas amb un sistèma operatiu diferent d’Android; avètz l’aplicacion Every Door. Me sembla, que l’ai pas ensajada, que conten mens de quistas que StreetComplete ça que la.
Bonas contribucions!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari