Perseguissèm nòstra contribucion fondamentala a l’istòria de la literatura mondiala en nos virant aqueste còp, mai que mai (mas pas unicament) cap a las Americas!

• Jose-Luis Borges èra un borgés.

• Jol pont de Santiago, Gabrièla Mistral se desolava.

• Lo retrait sepia d’Isabel Allende.

• Lo paure gat de Sepulveda s’ensajava a volar!

• Lo Gabriel Garcia Marquez, mòrt a 87 ans, visquèt pas cent ans de solesa.

• Lo Marcelo Quiroga sus sa piròga.

• Paolo Coelho, l’alquimia de la lenga portuguesa de Brasil.

• E brincavalava la veitura de l’Andrieu Brink.

• Kurt Vonnegut s’amerita plan d’èsser (re-)conegut.

• La taula totjorn mesa cò del president Carlos Mesa.

• Los mots de Leonardo Padura volatejan coma posca dins lo vent.

• A la font amb l’Adam d’Eden del Carlos Fuentes.

• Val mai Octavio Paz que la guèrra.

• Lo Felip Roth sus un batèu cap a Rotterdam.

• De mirgas e d’òmes, de rasims e de colèras amb lo Joan Steinbeck.

• L’Estefan King embarrat dins una torre escura.

• Oraci Mac Coy, es còit lo fetge gras!

• Faire la rota amb lo Jaume Kerouac.

• Que plògue o que solelhe, lo Truman se cargava la capòta.

• Scott Fitzgerald crosèt Gatsby lo Magnific dins lo ranvèrs del Paradís.

• Kipling anèt en viatge al Balochistan.

• Robin Hood, nos ditz la legenda, jogava de l’od.

• Superman cridava sa maman.

• N’atrapèt còrs lo Salinger.

• Quna polida freta: lo Mark Twain, lo Tom Sawyer e l’Hucckleberry Finn.

• Se sapièt jamai lo gra d’implicacion de l’Edgar Poe dins lo doble assassinat de la carrièra de las Morguetas…

• Ramon Chandler cantava mai que l’aire.

• James Fenimore Cooper coneguèt lo darnièr dels Moïcans.

• John dos Passos, dos passes d’un costat e tres de l’autre.

• Ne demandèt causas a la posca e als companhs de la gaspa lo John Fante

• Çò que podiá beure coma Fantàs lo John Fante.

• Long de sa vida, la Patricia Highsmith se demandèt qual èra l’inconegut del Nòrd-Exprèss.

• Norman Mailer arrestava pas de mandar corrièls.

• Nabokòv escriguèt plan mai que Lolita.

• Ezra Pound, versificacion liura e ideal fascista: quna contradiccion!

• John Updike teniá còr e cambas de lèbre per una mesada de dimenges!

• Van Vògt vistalhèt lo monde dels Ā e anèt pas mai luènh.

• Tennessee Williams es plan conegut fòra del Tennessee.

E tanben…

• Los contes se dison al canton del fuòc: «Andèrs sèm!»

• Los fraires Grimm dison contes que fan grimaçar.

• Pasolini, la vida e la poesia coma un film.

• Alberto Moravia fa lo plen de gasolina dins las estacions Avia.

• Cal balhar resson als escrits d’Umberto Eco.

• Primo Levi se levèt contra lo fascisme.

• Dario Fo èra fòl de teatre.

• Petrarca jos una arca de pèira.

• Pedro Calderon de la Barca carguèt tròp la barca.

• Al fons de la prada, al pè d’un pibol traucat, descriu lo Juan Manuel.

• «Nom d’un gòi!», s’escridava Juan Goytisolo.

• Una dòsa de mentastre per Eduardo Mendoza.

• Carmen de Posadas tira l’aiga fresca del potz.

• Te revires pas per un res, sénher Arturo Perez-Reverte.

• Fernando Pessoa e sas pèças d’aur.

• Iasminà Khadra ten un còr d’amètla.

• Taòs Amrouche, èime de Cabilia.

• Mongò Beti, votz del pòble de Cameron.

• Amadou Hampâté Bâ, contes e racontes peuls.

• Amin Maalouf sus las rotas de Samarcanda.

• Mahmoud Darwich, lo tristum e lo crit del pòble palestinian.

• Robèrt Van Gulik èra lo grafièr del jutge Ti.

• Maj Sjöwall e Per Wahlöö èran los adjunts de l’inspector principal Martin Beck.

Negre-sus-Blanc Roch