Lo CFPO-Région Occitanie forma a la lenga e la cultura occitanas gràcias a de percorses pre-qualificants, qualificants e diplomants, de talhièrs setmanièrs e d’estagis. Nòstras formacions tòcan a l’encòp de personas en construccion de lor avenidor professional, per trapar o tornar trapar un emplec, e un public qu’an besonh d’aquesir de novèlas competéncias o de validar un diplòma. La lenga occitana es non solament ensenhada, mas tanben lenga d’ensenhament, en tot renfortir d’aquel biais son importància dins lo païsatge linguïstic. Nòstre engatjament cap a la formacion professionala seguís la demarcha de qualitat. Acompanham los estagiaris cap a lor integracion sul mercat del trabalh, en los ajudant a s’adaptar a de novèls mestièrs e a desvolopar lors competéncias long de lor percors professional.

Fasètz de Formator professional d’adultes en lenga occitana!

Demòran 4 plaças disponiblas per la session de formacion 2024-2025. Aquesta formacion vos permetrà d’obténer lo Titre RNCP de Formator Professional d’Adultes, reconegut pel Ministèri del Trabalh, amb una especializacion en competéncias linguïsticas en occitan de nivèl B del CECRL. Venètz desvolopar vòstras competéncias e obténer una certificacion oficiala per la formacion d’adultes en occitan. Pre requesits d’entrada en formacion: Estudis Nivèl 4 o equivalent; Occitan nivèl A2* del CECRL; Projècte validat per un dels prescriptors de la “Région Occitanie Pyrénées Méditerranée”.

Capitatz un diplòma de competéncia en lenga occitana!

Una oportunitat per trabalhar dins los domènis de la cultura, del torisme e plan mai

Demòran 4 plaças disponiblas per la session de formacion de Tolosa que se debanarà del 10/12/2024 al 03/06/2025. Aquesta formacion intensiva visa a donar de competéncias linguïsticas en occitan de nivèl B del CECRL per permetre d’accedir a un emplec demest de sectors tals coma la cultura, lo torisme e la comunicacion en occitan. Juntatz-nos per mestrejar la lenga occitana e dobrir de novèlas oportunitats professionalas Pre requesits d’entrada en formacion: Estudis Nivèl 3; Volontat de trabalhar e de comunicar amb e en lenga occitana; Méditerranée”. Marcatz-vos a una session d’informacion collectiva en visioconferéncia que se ten cada dijòus de 13h30 a 14h30 en mandant un corrièl a a cfpo@cfpoccitan.org.

Per mai d’informacions: cfpoccitan.org