#3 Sinon, qué prepausas com accions entà que los media parisians ne parlen o entà que las causas avancen?

Que'm sembla que seré plan, si tornam har ua manif entà las lengas minorisadas de França, d'i includir las lengas de l'imigracion : tà jo, las lengas indigènas que hèn partida deu noste patrimòni e n'i a pas nada rason de las "parcar" dens las opcions on ne pòden pas tocar sonqu'ua "elèit". Que deven har partida deus ensenhaments obligatòris.

Que'm sembla autant mespresós de non pas prepausar nat ensenhament de l'arab, deu berbèr, deu portugués de l'ollandés... quand sabem lo nombre de locutors d'aqueras lengas qui i a dens cèrtas zònas.

Bon, que disi aquò mes en fèit n'a pas arren a véder dab lo sondatge...

E los qui la vòlen har tot an, perqué? Ne pensatz pas que lo monde riscan de n'aver pro au cap d'un moment? Que pausi questions per'mor n'èi pas sabut qué respóner ad aqueth sondatge...

#3 Que pensi qu'as rason : que cau diversificar los mòdes d'accion militanta : un moviment politic com Bastir qu'ei ua bona causa, har grafitis en occitan per carrèras que n'ei ua auta, parlar occitan de tira qui ac podem, etc.

Mes aqueste mòde de militantisme ne'm sembla pas mei pèc qu'un aute : que permet de s'amassar, de préner conciéncia qu'èm numerós, qu'èm diferents, de's ligar los uns aus autes... Jo qu'i anèi tostemps dab plaser a las manifs anemòc. Que crèi au militantisme hestiu mei qu'au militantisme sacrificiau : si militar ei ua cuenta, si ac cau tot intelectualisar abans d'agir, sonque los intelectuaus que militan.

La gay pride que's hè tot an e dens mantuas vilas e que permet de federar lo moviment LGBT e de'u balhar visibilitat... Los media parisians ne'n parlan pas tot an tanpòc mes ne crèi pas que los participants se'n formalisen : amuishar que son fièrs d'estar çò qui son e demandar l'egalitat deus drets que'us ei pro.

#2 Perqué servis pas a res de far una sembla "Santo Estèllo" un còp per an se los medias nacionals ne parlan pas. Tres còps i aguèt una manifestacion occitanista, en defòra de la Despacha e de Viure al pais Qual ne parlèt ? Degus. Que faguèron cambiar dins le reconeissença de las nòstras lengas regionalas ? - Ren. Alèra serià benlèu ora de pensar a quicòm mai !

Los qui clican "se deuriá pas far", qu'aimarí que'ns expliquen perqué :

Per'mor las revendicacion d'Anemòc que deverén estar satisfèitas despuish bèth temps?
Per'mor n'i deveré pas aver avut de linguicidi?
Per'mor la sola lenga de la republica qu'ei lo francés, tot çò mei que son patués arcaïcs, anatz manifestar per causas importantas, tròç de pesolhs reac's?
Per'mor qu'ei ua perta de temps e d'energia militants ?
Per'mor... ???

Me pensi que faldria far una marcha de Bordeu a Niça en començant petit, en portant lo flambeu de vila en vila emben un rassemblament occitaniste o una manifestacion autra dins las vilas estapes. Daus flambeus partirian de las vilas perifericas (limosin, auvernha, pireneus, alpes occitanas en direccion d'una vila estapa.
Me pensi que quò poria se far sur de revendicacions pas solament linguisticas o culturalas : reclamar una sola region occitana, damandar l'amelioraccion de las relacions entre las regions occitanas e autras. Dempuei que sabe que per 'nar de Limotges ( o Brive) a Lion per lo tren, chau passar per Paris o Narbona, me dise que limosins e liones aniran far lòr corsas a Narbona e que Narbona devendra una plaça fierala de prumiera importancia.