#8 Mercé Bourdon per aqueste poèma del Jan. Es un tèxt subrebèl e fòrça mai prèp de çò qu'es la guèrra pel paure mond que las sansonhas que nos sèrvon a bodre las autoritats e los mediàs.

Vueità's la sang tà la Republica ? Ueratz çò qui escrivè un bearnés, Jan deu Sabalòt, qui estó un contaire conegut e autor d'un roman:

"Nosauts qu'èm los petits, los qui cargats de tèrra
e marcharam tostemps shens compréner perqué
nos qui'ns hesem tuar, nos qui hesem la guèrra
nos qui carrà que tiénim aqueste borider.
E qu'ei lo noste sang generós qui s'escapa
e qui plapa de roi lo sòu on èm caduts,
nos qui sofrim tostemps, e tostemps a l'estaca,
qu'èm tostemps los medishs, nosautes los peluts.

Ah, que podem partir gaujós en permission
aus qui son per darrèr contar nosta misèra
ne sauràn pas jamei arrés nosta dolor
d'aténder shens saber qui caderà enqüèra.
Nosauts qu'èm los praubòts, los bons tà's har tuar
quan d'autes per darrèr e tiran las cordetas
n'èm pas que las monacas e los qui hèn dançar.

E tot aquò tà qué ? tà plenhar las caucetas
de quauques macarèus...

Lo tèxte complet: http://crdp.ac-bordeaux.fr/langues/PDF/textes/NOSAUTS.pdf

#6 Bahida, qu'aurén plan hèit shens, s'avèn podut. E ne parletz pas de Republica: que s'ageish de "morts pour la France", non de "morts pour la République".

#5
Exaltar non, mes honorar lo sacrifici d'òmes qu'an vojat lor sang per la Republica, si ben.

Quin i pòt aver 15 % de responsas qui pensan que calha "exaltar lo sacrifici d'aqueles que son mòrts per França" ???