Adishatz a tots

Que permeteratz que non preni pas part a un tau vòte.

Que n'ei bèth tròp fosca la question.

Quau mena de servici public ?
Un servici public exagonau (parisiano francés) ?
Un servici public occitan (en gestacion).

Lo biais de pausar la causa qu'ei faussat (com sovent dens l'exercici sondatgèr...).

Au men compte, un servici public exagonau tribalharà pas dens ua lenga auta que lo francés a un nivèu de servici public enteni (cf quitament en Bretanha o Vascoat).

E donc per la mia part qu'avorí votat NON.
Quidam que'n seré estat perturbat enqüèra mei.

D'un aute latz que pensi efectivament que shens l'accion d'un servici public de mèdias, l'occitan qu'averà deu mau a subervíver.

Donc per jo non i a pas possibilitat d'exprimir çò que pensi autament que dens un comentari.

Que cau hicar en òbra los mejans d'un servici public de mèdias en occitan.

Que pensi que se los occitanistas e se'n remeten com tostemps au sacro sant Estat pensant qu'ac harà en plaça lor - com las resultas deu sondatge ac deishan pensar - que serà long lo camin.

En tots los cas per la mia part que reclamerí au Jornalet ua casa suplementària : refús de participar au vòte.
E que mercegi lo Jornalet deu son tribalh.

Bon dia

Qual es qu'a votat non??? Pòdi pas creire que de legeires de Jornalet pòscan pensar atal.

Que cau aver la medisha auhèrta d'occitan dens las ràdios deu servici public exagonau en Occitania com enlòc mei (Bretanha, Eusjadi, Corsega, Alsàcia). Que'vs cau espiar l'auhèrta dens lo malhum de las estacions locaus deu grop Ràdio França (dab las France Bleu Breizh Izel, France Bleu Elsass, France Bleu Frequenza Mora o France Bleu Pays Basque). Comparatz après dab la petita auhèrta dens las diferentas estacions deu malhum France Bleu dens Occitania (espiatz çò qui hèn sus France Bleu Bearn dab çò de hèit en occitan sus France Bleu Périgord o enqüèra dab France Bleu Hérault). Que vederatz. Que son programas inegaus (que va de la petita cronica dinc a l'emission d'ua òra ...). Dilhèu qu'arron la manifestacion de Tolosa (qu'estó ua beròia escasuda totun !), caleré apitar comitats locaus dab Anem Òc! Qu'ei mei eficaç ça'm par que d'esperar la manifestacion qui vien tà l'occitan. Que cau mantiéner la pression d'ua faiçon intelligenta (totun) e perpausar causas ad aqueras estacions (mutualizacion d'emissions, embauchas, formacion a la lenga deus jornalistas, perpausar tematicas d'emissions, ...). Que cau agir e tribalhar dilhèu dab elegits nostes tà véder quin podèm har tà perpausar causas ad aqueras estacions. N'empacha pas que cadun e deu guardar la soa identitat o especifitat (Ràdio País que hè un tribalh deus bons per exemple mès qu'ei tà un public mei especializat mentre que n'ei pas la medisha causa dab France Bleu pr'amor que son auditors mensh "occitanistas" e qui an hrèita dab causas mei pedagogicas).

Per aumentar la programacion en lenga occitana dins los mèdias publics, auràn pas gaire besonh de far esfòrces dels subrumans !!!! Avèm sonque posquilha !