Se lo "Front National" es, benlèu, un partit faissista, d'autres de partits poiriáun far pensar, a l'escotar de lurs prepausicions, que son temptats per quicòm sentent de còps que i a a faissisme.
Mès francament, s'avèm la pròva istoricament, sens idèia preconçaupeguda, que lo FN es un partit realament zenofòbe, racista e faissista, coma vai que siègue pancara reconeissegut antidemocratic, que l'Estat l'ague pancara dissòut despuèi tant d'annadas, s'es dangieirós per la patz civila ?
Ieu pense qu'au contrari, ten un rònle de jogar lo FN : aquel d'un arbitre esglaiant a chasca eleccion, arbitre favorizant immancablament l'alternança dals oportunistas un còp de gaucha un còp de drecha. Aquò los arrenja d'espaurir lo pòple emb dau diablatàs estremista. Dau temps, sèrvon los enterès de la finança e los lurs au còp. Aquò's carculat coma un plan de batuèsta politicofinancièr per desvirar l'atencion dals pòples pendent qu'oficièrs e sota-oficièrs de l'empèri UE fan ribòta. Avans-gost de la 3ena Guèrra Mondiala. Mès benlèu que me troumpe completament.