L'idèa es polida. Caquelà, sul terren se tròban totjorn los qualques meteisses per trabalhar al(s) projècte(s) associatiu(s) alara que en amassada i a sovent los etèrnes mossurs e dònas per far de rasonaments, e pas sovent en occitan...
Alara s'agropar ? Òc mas sus d'accions ponctualas encastradas dins un relambi e un panel de mejans determinats d'avança.
Çò que cal defugir, de mon vejaire, es las estructuras permanentas onte se manja la moneda per entretene de burèus amb son mond alara que fa mestièr de far sortir l'occitan defòra. Convencions de partenariat sus d'accions concrètas e quantifiablas puslèu que de federacions onte d'unes s'amagan darrièr lor pichon det.

#5 Lo sondatges son lo mai suvent liats a l'editoriau.

La fòrma admnistrativa, associacion o partit, cambia pas lo fach que la question de l'occitanisme siágue una question politica, deis afars de la πολιτεία, ambé la question nautament politica de l'estat etc.
E se "parla pas de fusion tanpauc mas de s'agropelar per poder portar ensems de las revendicacions comunas", evidentament que sariá bòn de "s'agropelar" per portar lei revendicacions qu'avem in comun, pòu pas li aguer de debat sus aquò, sariá una question que fariá pas gaire de sens. Dire que devem nos agropelar sus lei ponch monte es possible de s'agropelar, sariá una lapalissada. Mai d'un occitanisme a l'autre, totei nostrei revendicacions son pas lei memas.
Brèu, es una question que fa pas avançar lo debat. Se vòu parlar d'una situacion particulara cau cambiar la question e parlar d'aquesta question particulara.

L'editoriau l'aviáu pas vist. Mais alora se es aquò la question, ambé la presentacion d'aquest editoriau, ma respònsa es non. S'agropelar dins un sistèmi de lòbi per partejar leis pichòts forns dau PS, gramaci, es non, sensa iéu.

#3 Me sembla que fas una confusion. Lo sondatge parla d'associacions coma la que son a l'Ostal d'Occitània a Tolosa (veire l'editoriau). Parla pas de partits politics. Parla pas de fusion tanpauc mas de s'agropelar per poder prtar ensems de las revendicacions comunas.

De segur ai pres un exemple extreme, mais siáu segur qu'ailà li a de gens que si dion occitanistes (e sariá pas nòu, lo cas d'Alibert es soventi fes utilisat per notrei adversaris).
Es perfetament possible d'estre "occitaniste" E de dreta (e pas solament de dretistes dau PS), sobretot per que l'occitanisme a ges de definicion politica precisa.
En Catalonha li a de catalanistes de dreta. Pensas que EUiA e ICV devon fusionar ambé CiU ?