que corrigi en commentari enviat : "appellacion"

Qu'èm en estiu, ,que torna desquir era sèrp de mar ! Plan solide qu'avem a "reconciliar-nos", totas varietas de parlars d'Anglet a Niça enlà, "occitanas" perqué pas, appellation commòda !

#2 Totei lei personas que defendon l'occitan son d'occitanistas, quina que siá la grafia qu'utilizan. Lei felibres provençaus que defendon l'occitan en Provença e que reconeisson l'unitat de la lenga d'òc son evidentament d'occitanistas.

Los occitanistas son los menaires de còla : de monde de l'ensenhament per la maja part, d'activitat o de retirada, mai o mens politizats, qu'an una concepcion sobrentellectualizada de la vida de nòstra lenga-cultura. La reclama de lurs accions empassa pas las bolas dau microcòsme occitanista. E creson de la far viure emb d'aquò nòstra identitat. Creson de la sociabilizar e de la rendre a sos eiritièrs. Mès la fan sobreviure. E ne'n fan un artifici per pichòts comitats de fins amators.

La solucion ? Convencir amai far sortir d'aqueles clans los pus clarvesents per fin d'enfluençar los pus atupits. E s'amassar emb de monde non etiquetats occitanistas : tota ideologia finís que ven un flèu per causa de marrits servidors tròp bien amai tròp lòngtemps estallats.

Emb d'aquò, recampar, s'organizar e fargar un mème plan d'accion qu'auriá per tòc la societat. Detalharai pas mai qu'o ai agut fach dinc d'autres comentaris, fai un an d'aquò. D'autres o faguèron. E los comentaires que reagisson pas gaire. Si : clícon roge per embandir un que lurs desagrada e clícon verd quand s'atràpon un bòchi bòn per bastonar. Aquò marca un movement malaut e finissent malerosament.

Parletz pas de reconciliacion, Jornalet. Los que fan de "Dintrada", d'UOE e de "Congrès de Calandreta" mànjon la sopa entre eles adejà. Pàrlon au clan, au nom d'un clan. Prénon una direccion qu'arrenja lurs afaires mai los afaires dau clan. Pensatz-vos ! Après aquò, "Lenga e societat", "Calandrons, ciutadans de deman" e d'autres tèmas son pas qu'una veirina per trompar los militants de la basa e se servir d'eles.
Es mai aisat professionalizar pièi se servir e servir los camaradas dinc aquela mena de batuèsta que non pas agir e susar per los autres sans retorn sus envestiment.
Perduda que perduda nòstra guèrra, n'i a qu'an pas laissat rovilhar las armas espandidas au sòu : an trovat mejan de ne'n tirar quicòm dinc la durada, per eles emb de lurs amics. Tant mièlhs, es aquò de ganhat !

Per vautres qual son los occitanistas ? Los felibres del Bornat del Peiregòrd o del Grelh Roergàs, pòdon estre considerats o assimilats a d'occitanistas (emplègan la grafia normalisada), mès los felibres provençals ne son tanben o pas ?