Au vist deu contenut de l'editoriau que'm sembla que manca l'opcion "òc, si guardam en cap que los actors deu passat avèn las loas motivacions pròpias qui n'an sovent pas arren a véder dab las nostas, que 775 ans a nat de nosauts n'i èra pas (donc ne podem pas utilisar la 1èra persona deu plurau en parlar d'aqueth passat) e que s'avem enemics uei lo dia, nat d'eths n'èra pas present 775 ans a tanpòc".

O enquèra "òc s'avem conciéncia qu'ua interpretacion simplista e orientada de l'istòria pòt constituir un roman nacionau quand seré minoritari e qu'aquò n'ei pas mensh mensongèr si vien d'ua nacion shens estat".

L'istòria d'Occitania qu'ei passionanta, i comprés la de las eresias a l'edat miejana mes qu'ei complèxa e ne's limita pas a quauques eveniments on podem véder maishants francés colonisators e bons occitans resistents. Que'm sembla, de mei, que cèrtes istorians qualifican la crosada de guèrra civila per'mor hèra de monde d'Occitania que s'i trobèn implicats dens los dus camps.

Ma memòria istorica ? Es un oximòr aquesta expression.