I a la definicion d l'Estat, vision ideala sul papièr. E i a çò que ne fa la mitologia de poder, per pas dire mistificacion. Vòlon metre de signes a l'estil religiós dins cada classa, drapèu e devisa coma autres còps i aviá un crucific, e fa cantar l’imne coma se canta lo Te Deum laudamus a la glèisa. Un vertadièr catequisme, qué!
Quant a la devisa, ne'n parlem pas!
LIBERTAT: per los qu'obesisson e critican pas lo poder, los autre an drech a de pedagogia, çò dison, embornhaira e, se n'i a pas pro al trucacolhons e als gases.
EGALITAT: de doas classas: la 1a, la dels ricasses, la 2a, las gents de res. e encara dins cada classa n'i a que son mai egals que d'autres.
FRATERNITAT: obligatòria, siquenon, gara lo morre e lo borson!

Un estat es pas una religion, mas una manièira de s'organizar en societat. Pasmens, l'utilizan plan mal los governs dins lo sistema de la cinquena republica. De mon vejaire, un estat deuria èstre un ensemble social e fiscal armonizat per que i aja pas de guerra economica entre de pobles vesins. Vòli pas me pelejar contra los espanhòls e los francés... Lo problema, es qu'es tanben vengut un ensemble cultural e linguistic, e aital la diversitat culturala es en dangièr. Mas aquò's pas una obligation, juste una volontat de poténcia de politics. I a pas mai de besonh d'aure de politicas comercialas e energeticas identicas segon las regions.