#2 Totalament d'acòrdi. Suprimir los departaments de pertot es del jacobinisme. Quand un departament a una coerencia geografica e istorica, lo cal manténer (Avairon, Cantal...). Es a la carta. Lo questionari del Jornalet es trop barrat.

I a de departaments que coincidisson amb de territòris istorics. Avairon es apuprètz Roergue e Òlt es apuprètz Carcin. Los ariegeses tanben s'indentifican plan amb son departament, que coincidís fòrça al País de Fois. Un còp entendèri una maire que contava a son filh, que los abitants de la Dordonha se sonan Perigòrds.

Mas dins la majoritat dels cases es pas coma aquò. Lauragués es partejat entre doas regions e qualques departaments. Òlt e Garona, es dins Lengadòc e Gasconha (País de Sèrras, Naut Agenés, Brulhés e una partida de Labrit).

Lo cas de Garona Nauta es indecent. En Gasconha a una partida de Comenge, de Coserans, de Pedagués, de Savés e de Volvèstre, e dins Lengadòc a una partida petita de Lauragués, de Tolzan, Frontonés...

Amb la desaparicion dels departament, benlèu sèm a temps de recuperar los païses d'Occitània. Jornalet o a fach: http://www.jornalet.com/pais

Contrariament a çò que d'unes pensan, las limitas dels despartaments son per una granda part eiritièras dels ancians "pagus" antics e pegan mai o mens ambe de termièras "naturalas" qu'agradavan ben als pòbles de l'epòca (galleses...) Ara, se la question es de saber qunte nivèl administratiu deuria sautar ambe las problematicas de uèi, pensi qu'es la comuna, en particular dins lo mitan rural (majoritari en Occitània), que deuria daissar la plaça a la comunautat de comunas... De tot biais, aquò's una granda problematica...