#13 Sèm plan d'acòrdi !

#12 Escotar Luc Ferry e Nicolas Bouzou... Quina ideia ! Mai fau pas faire aquo, maluros ! Aquo si, pou aguer d'efèctes segondaris graves. Un uman pou resistir a 2 min 45 de Nicolas Bouzou abans de venir caluc. En delai de 3 minutas, de cas d'automutilacion son estats observats.

#11
Se vei qu'avètz pas ausit lo Luc Ferry e lo Nicolas Bouzou, aqueles fargaires d'opinion. I a pas qu'un dieu per nos salvar : lo scientisme ! Vòli èsser vacciat, vòli èsser vaccinat udolava aquel piotàs de Bouzou un ser al fenestron. E l'autre somia pas que de quora l'òme viura 300 ans.

#10 Mai (quasi) degun diguèt que fau aguer una « fisança bòrnha sus la tecnologia coma solucion a TOTES los problèmas». Es pas aquo la question. Es pas aquo la question dau sondatge e es pas aquo l'enjuec de societat. Pas besonh d'aquesta fe per esser favorable a la vaccinacion. Ieu aquesta fe l'ai pas,e pasmens siau vaccinat. La « fisança bòrnha sus la tecnologia coma solucion a TOTES los problèmas» es una religion força minoritària (es mai o mens la situacion de gents coma Peggy Sastre, Mac Lesggy, Laurent Alexandre, e una ponhada de libertarians). Minoritària dins la populacion e minoritària dins la comunautat scientifica (en fach ai zerò scientific dins lei 3 exemples precedents, e trobar un exemple conoissut de scientific d'aquesta religion es pas aisit). La question es aqueu vaccin en particular, dins nostre contèxte en particular.

Parier per l'origina dau virus : es pas la question aqui. Pou estre una question importanta mai es una question a long terme, sensa cap ligam amb la question urgenta de la vaccinacion.

#9
Primièr, per que las causas siagan claras soi pas antivax coma dison los obsedits del complotisme, complotistas eles meteisses que veson de complòts pertot e que vòlon far calar tota discussion.

Se tracha pas de comparar l'amiant e lo vaccin. Se tracha de dire que la fisança bòrnha sus la tecnologia coma solucion a TOTES los problèmas es una bestiesa. L'amiant èra la solucion als incendis ; los OGM la solucion a la fam dins lo mond ; ara es l'auto electrica coma solucion al desrèglament climatic que se sap ja que nos trairà de problèmas de provision de matèrias primièras e de pollucion encara mai gròsses que los dels motors actuals. Es la fugida endavant.

E mentre que se bartavèla suls vaccins, se parla pas de las originas dels viruses : "Cal pas malcontentar los chineses", a dich lo Jupiter que se caga a las cauças davant lo Xi-Jin-Ping. Que siaga per l'irrupcion de l'òme dins d'espacis ont revelha los viruses (veirem lèu çò que se passarà amb lo permafròst) o que venga de qualque laboratòri d'armas bacteriologicas (que degun ne vòl pas parlar per çò que i a mai que los chineses que tratejan dins aquel bolhon de cultura) cal arrestar de jogar los doctors Fòlamor.