#7 perdon, m'aví desbrembat Massilia. efectivament, dus grops populars, Nadau e MSS.
Los autes, si los contractam per un concèrt a Lengon o Dacs, hèn pas 50 entradas.

La cultura occitana es pas menorizada, es inexistenta. E las institucions que la diurén defénder, los medias, las revistas, las radiòs, son microscopicas. L'analisis e lo tractament simple de l'actualitat politica, sociala, societala, economica, ecologica... ne son pas hèits. La populacion concernida coneish pas quitament la nocion d'Occitània, n'a pas una idèa de l'istòria comuna o pas, e d'aquí dètz ans ne saurà pas quitament que s'i parlava una auta lenga, aquí, i a pauc de temps.

Atau l'educacion obligatòria en occitan, dens aqueras condicions... Ne saunejar pensi pas que sii auta causa que masturbacion intelectuala, com una bona part de l'activitat occitanista d'alhors.

#7 E lo Dalfin tanben: https://radiogold.it/tempo-libero/48198-palco-festival-contro-musica-balli-occitani-i-lou-dalfin/

#6 "Pas un cantador popular, manca los de Nadau,"
--> Non mai, avètz la tèsta que fa gin-gin? Massilia Sound System e lo cantaire Patric an un public popular qu'es ben mai estendut que Nadau. Vejatz aquò: https://www.facebook.com/photo/?fbid=617324006450158&set=pcb.617324079783484

#4 N'i a pas quitament una radiò o un diari en occitan. Pas un libe que se vend a mei de 100 exemplaris. Pas un cantador popular, manca los de Nadau, pas un personatge public que revendique e emplegue l'occitan de manera normala e regulara.
Podem soscar a l'ensenhament obligatòri, segur, e segur qu'es necessari dens un país normau. Mès dens lo nòste càs, malurosament, èi paur que se pausar aquera mena de questions empache de soscar a çò d'urgent adara medish.

#3 Una educacion "a" l'occitan e la diversitat lingüistica dins lo Reiaume seria sens dobte fesabla e realista... Manca pas que la volontat politica