Quand se quita de passar la lenga, se tracta d’un quite suicidi…
Se quitèt la lenga tal coma le berret, que son d’empaches sòcioprofessionals…
E de que díser de l’accent, que n’i a pas cap de consonantas que tindon parièr qu’en francés estandard…

#6 Prenètz una excepcion...
Entendi per "modèrna" una "nacion" qu'es mai que mai un estat industrial, liberal e capitalista, s'es pas un empèri (ex. URSS o actuala Federacion russa, USA o China) qu'impausa son modèl a l'exterior.
Lo cas soïssa es segur admirable. Mas es puslèu formal: l'alemand progressa sus lo romand, lo romantche es simbolic (mens de 1% de la populacion), e l'italian es cantonat.
Los soïssas romands parlan pauc alemand (5 dialèctes es complicat per eles, s'acontentan sovent d'un hochdeutsch escolar o pel trabalh, quand o fan pas en anglés) e los alemanics fan un pauc mai d'esforç que los autres (es segurament cultural, los romands, après tot, son d'ancian locutors d'Arpitan qu'an daissat lo "patoés" pel francés estandard).

çò qu'a tuat l'occitan es pas tant l'ideologia nacionala francesa que lo fach que l'ideologia nacionala francesa es estada vista coma "la modernitat" (es a dire: las valors industrialas) e lo progrès.
En catalonha lo catalan es vengut la lenga de la borgesia industriala e regionalista (es pas estat lo cas en Pais Valencian) : vesèm la resulta. A pas res a veire.

Donc de fulminar contra la "Nacion" es pauc util e un pauc una tartarinada gratuita que mena enluòc;

#5 Non, totas las nacions qu'apelatz "modernas" non ai pas fach aital : Soissa a preservat sas lengas, e se pòt dire qu'es un model democratic mai avançat que França. Se pòt demandar çò qu'es la "modernitat" d'un païs : respecte de totas las lengas a la Soïssa amb consultacions regularas del pòble e decentralizacion o organizacion piramidala autoritaria a la Francesa, qu'ela, respecta pas sas lengas?

#4 Fasètz coma se descobriguèssetz lo concèpte d'ideologia nacionala.
Totas las nacions "modèrnas" an fach aital (ço que vol pas dire qu'an agut rason) e los "Occitans" aguèssem agut un poder d'estat comparable, auriam fach la meteissa causa.

Soi puslèu sceptic sus la portada practica d'aquel rasonament vostre, me sembla que pot marchar pas qu'amb d'occitanistas convençuts o de catalans catalanistas...
Or per ieu la toca es de convéncer mos compatriotas (de nacionalitat francesa mai que mai) de l'interès de daissar pas morir la lenga e la cultura occitana.
Soi pas segur que de fulminar retoricament en daissant pensar que l'ideologia nacionala francesa es per natura genocidària (en metropoli, en defora, se pot discutir) sia lo melhor mejan d'i arribar.

Dins los ans 60 l'occitanisme, qu'èra socialament en melhor forma, va savia plan...
Mas bon, benlèu es melhor de morir sens pèrdre l'onor.

#3 Segurament pas amb los Republicans catalans e aragonseses de de 1936-38 !!! Non es "La Republica" que denóncii, mas una republica que, mailèu que de préner per amira d'èsser republicana, a pres per amira d'èsser francesa, "französiche über alles", francesa en amont de tot, coma una fin en se, coma quicòm de sant e de sacrat que non se pòsca ni tocar ni quitament discutir. Per una republica, çò fondament es çò public, e las lengas, totas las lengas son dels pòbles, e donc publicas, ontologicament, per definicion. Se sietar subre aquesta evidéncia per exterminar pòbles — fisicament o non — es inadmissible, imperdonable e, n'ai fòrça páur, irremediable aprèp mai d'un sègle d'exterminacion en marcha.