#12 Segon la definicion de çò qu'es un occitan o una occitana, un provençal o un gascon (militant de sa lenga) que clama naut e fòrt que non es occitan me fa pensar a una platana qui cridariá pertot que non es albre !…
#10 Ai plan páur, Gerard Joan, que los que pican a s'i usar lo det per far montar artificialament lo nombre de los que "non son occitan" sián qualques mariòls d'aquela mena…

#12 Abans de dire qué que siá, entresenhatz-vos, mercés: https://www.jornalet.com/noticia/en-provenca-lantioccitanisme-socupara-de-las-cultura-e-lenga-del-pais

#11 S'agis pas de ne far de reclama o de promocion mès d'informar lo monde sus aquò que se passa endefòra dels cèucles occitanistas. òm pòt pensar çò qu'òm vol del Collectiu Provença, mès lo fach que son President siague ara Conselhièr Regional, e en carga de la politica linguistica provençala me sembla un element important que se seria meritat un article. Del mème biais l'eleccion d'un novèl Capolièr del Felibrige me semblava estre un element pro important dins lo mitan regionalista d'oc per que se'n parle aici. Mouttet èra benvolent per rapòrt a un trabalh militant en collaboracion ame los occitanistas, que ne serà del novèl elegit ? Lo pès del provençalisme impacta la vida de la lenga e de sa presa de consciença. Far coma Jornalet semblant de crèire que dins las Terras d'Oc i aje pas que d'occitanistas me sembla a l'encòp nèci e dangièiros.

#6 Que lo Felibritge siá presentat coma una "tendéncia" del movement de recuperacion de la lenga nòstra, òc, e i a totjorn agut d'occitanistas al sens estricte que son tanben membres d'aquela venerabla associacion. Mas lo Collectiu Provença (oficialament "Collectif Prouvènço", son tan diglossics que son pas quitament capables de provençalizar tot lor nom oficial), non: sa tòca es de destruire l'occitanisme en Provença, e vesi pas perqué una "gaseta occitana d'informacions" ne fariá la publicitat.

#9 Compreni pas que se sàpia pas que Jornalet, editat a Barcelona, es legit fòra d'Occitània, e dempuèi que soi occitanista, ai tostemps conegut de personas non occitanas que s'interessavan a la lenga nòstra e la volián aprene. Perqué seriá una marrida nòva?