Er Institut d’Estudis Aranesi - Academia Aranesa dera Lengua Occitana a metut en marcha era elaboracion d’un nau diccionari aranés qu'arrespone as demanes des escòles deth país e deth Conselh Generau d’Aran. Era elaboracion d’aqueth diccionari ei dubèrta a totes es persones que volguen collaborar, e obtier mots dera transmission orau e arténher ua lengua modèrna e reau. Era basa se tròbe laguens eth còrpus des entrades dera Wikipèdia occitana e ena òbra de Joan Coromines sus er occitana dera Val d’Aran. Era còlha der #aranésòc qu’èm anadi tara Val d’Aran tà conéisher mès d'apròp se com se hè aqueth diccionari participatiu. Ne parlam damb Jusèp Loís Sans Socasau, president der Institut d’Estudis Aranesi - Academia Aranesa dera Lengua Occitana.