capçalera campanha

Vidèos

Betevé - #aranésòc: Dictada occitana a Barcelona

Reportatge de la 21a edicion de la Dictada Occitana a Barcelona. L'eveniment aguèt luòc lo 26 de genièr passat dins 46 vilas en Occitània, als Païses Catalans (Barcelona, Valéncia e Albocàsser al País Valencian) e tanben a París. Dins la màger part dels cases, las dictadas se faguèron al meteís moment. Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cedric Toulouse de province française d\\\'Occitanie
5.

A mai aquel biais de pensar noiris los autres piòts de la mena "gascolhonat quant t'ai vist"

  • 1
  • 0
Cedric Toulouse de province française d\'Occitanie
4.

Personalament, vesi diferencias d'accents mas vesi pas dos o tres o miles occitans... A l'encontrari de çò que dit lo piòt amb la casqueta

  • 1
  • 0
Hilh
3.

#2 matériau pedagogic pluri-dialectau qu'existeish, en França que partin deu dialècte deu lòc e qu'ensenhan atau: purmèr lo dialècte deu lòc e en seguir compréner los autes. En catalonha deu principat lo dialècte locau qu'ei l'aranés. S'atz quate grames de coneishença de la nosta istòria e de la nosta sociologia qu'atz compreneretz. Los teoricians occitanistas dont parlatz que son espudits a noste arrés ne'us segueish. Qu'an copiat la vòsta socio-linguistica shens coneishença deu país.

  • 0
  • 0
Manèl Bcn
2.

#1 Vos assabenti que l'occitan estandard es una òbra facha per d'occitans, dont ne compti gascons tanben. Ieu respècti las òbras en lingüistica de qualitat, quitament se son fachas per d'occitans. (Semblariá que son los catalans qu'inventan las causas) Me dirètz cossí anam estudiar l'occitan sens un estandard occitan. De qué fau amb mos escolans? Lor balhi qualque lexic lomanhòl, bearnés, aranés, tolosan, beserienc, setòri... Vos sembla una bona idèa? Aquò facilita pas las causas.

  • 4
  • 0
Hilh
1.

Catalans s'aimatz la nosta lenga aimatz la atau com ei e deishatz d'i fóter la vòsta pròpia tintèina de l'estandard. Lo lengadocian non serà pas jamèi lo noste estandard e l'occitanisme que petarà s'ac vòu impausar.

  • 0
  • 6

Escriu un comentari sus aqueste article