Tintin que parle en occitan damb accent aranés. Ei publicat eth primèr volum Es jòies dera Castafiòre e lèu que poderam liéger es aventures deth jove jornalsta ena Lua, tanben en aranés. De hèt, es editors an anonciat que publicaràn dus albums per an, un entà Nadau e er aute entà Sant Jòrdi. Atau er aranés vierà de longa er occitan mès parlat per Tintin dempús dera sua modèsta espelida en lengadocian e en provençau.
 
Es Jòies dera Castafiòre que se presentèc eth 10 d'abriu passat en Palai Moja de Barcelona. Er eveniment, acuelhut pera directora generau dera politica lingüistica, Ester Franquesa, que compdèc damb era preséncia deth traductor, Tònho Castet, des editors Trilita ediciones  e Zephyrum ediciones, e deth director de TV3, Vicent Sanchis, gran aimador de Tintin.