En Anhana, a un trentenat de quilomètres de Montpelhièr, lei Fadariás de Novè d'Anhana prepausan 6 setmanas de manifestacions magicas, coma la grèpia "grandor natura" la mai importanta de França, lo mercat, d'espectacles divèrs, e subretot de qué pantalhar en familha ambé de temps fòrts. Lei Fadariás son la resulta d'una òbra collaborativa per redinamisar aqueu vilatge e ne'n faire una plaça fòrta entre leis eveniments calendaus. Nòstre reportaire Marc es anat filmar la preparacion dau festenau, ambé l'instalacion de la grèpia giganta. De que veire tota l'importància de l'organizacion d'un tau programa. Lei Fadariás son ja a sa 9ena edicion e lo nombre de visitaires que venon cada an mòstra coma an relevat l'escomessa. Ambé per devisa la magia, dins una convidacion a l'imaginari. Un reportatge de Marc Carteyrade.