Jòrgi Gròs, l’escrivan, lo poèta, l’amorós de la garriga nos quitèt lo 16 de febrièr de 2018 mas dins aquela emission arquivada nos dona quauquei secrets. Nos explica lo nom dau bòsc, sa fonccion dins lo temps, nos parla de la flòra de garriga : leis arbres : euses, garrics, avaus, lei plantas e flors coma lo cabrifuèlh, la bauca, lei corbadònas… Jòrgi Gròs dins son enfància anava au bòsc amb sei companhs, nos parla d’aquelei passejadas qu’aimava e tanben dau manca d’aiga en garriga. Aquela emission es un sovenir bèu que vos farèm partejar mercé a Claude Queyrel que lo filmèt au bòsc deis Espeissas.