Vidèos
Tè Vé Òc: La Comuna de Marselha
Lo 23 de març de 2021 Marselha vai comemorar lei 150 ans de la proclamacion de la Comuna de Marselha. Dins aqueste encastre, vos prepausam una emission sus l'Istòria de la Comuna de Marselha en 1871. Lo movament revolucionari de la Comuna aguèt pas soncament luòga a París coma lo voudrián laissar dire un molon de mèdias parisencs, mai tanben dins tota la França e en Occitània mai particulierament. De Limòtges a Narbona, e de Foish a Marselha. Sauvatjament reprimida per l'Estat Francés, la Comuna de Marselha comptarà au mens 150 mòrts. Per tractar aqueu subjècte particulier, descubriretz subretot lei comentaris de saberuts come Roland Pécout e Claudi Barsotti. Un documentari de Miquèu Gravier.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Claudi Barsòtti, en mai d'èsser un bon istorian (e un jornalista : es el que creèt, i aurà lèu 40 ans, la pagina occitana Mesclum del jornal La MARSEILLAISE), es tanben un escriveire de talent. Ai agut trabalhat sus son òbra literària dins un article accessible en linha : https://journals.openedition.org/lengas/2829 "Récits de guerre et autres conflits chez Claude Barsotti, entre fiction et témoignage.". Conselhi de legir, de BARSOTTI
- Lo comunard de la Mitidjà, novel, [Puylaurens], IEO, 2006. Roman istoric
- Textes occitans de la Comuna de Marselha - Glaudi Barsotti, Marseille, L'atinoir / IEO, 2018.
Al nivèl de la literatura, legir tanben lo roman bilingue de Jòrgi Gròs "Ieu Bancèl, oficièr d'empèri, qu'evòca lois Rossel, comunard protestant originari de Nimes, ont es enterrat.
Grand mercé Lisa, Claudi e Rotland per nos aver balhat aqueste moment fòrt e pas pro conegut de la nòstra istòria revolucionària...L’avètz enriquesida de coneissenças precisas e necessàrias particularament per las jovas generacions... Trapèri la vidèo de granda qualitat tanben per son iconografia...Claudina
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari