‘Bogre’ qu'ei un filme documentari dirigit peth cineasta Fredo Valla, que cerque era origina deth catarisme, es arrasons dera sua persecucion e es conseqüéncies deth genocidi que patic eth pòble occitan en sègle XIII. “Bogre” qu'ei un mot occitan que vò díder “persona insolenta, qu'amague era vertat, que non ei bona”. Era paraula ven dera manèra qu'insultauen as càtars ena edat mejana. “Bogre”, ua paraula que ven de “búlgar”, pr'amor qu'ei aquiu, en Bulgaria, a on i trapam era origina deth catarisme e ei en Bulgaria a on comence era istòria de ‘Bogre’.