Eth torisme de passejada s’impòse ena Val d’Aran, a on d’aute caire eth torisme de nhèu patís pera pandemia, pòbles e ostalèrs an desvolupat tota sòrta de rotes, jòcs, panèus entà apropar-mos ath patrimòni arquitectonic.

Eth fenomèn ei fòrça mès curiós quan ena Val a arribat era mòda des jòcs de pistes, mos explique eth funcionament d’un d’aqueri jòcs eth Baile de Bossòst, Amador Marqués.

Era aplicacion gymkanaturisitca.com (disponibla en aranés, castelhan e catalan) permet, a trauèrs d’un còdi QR, accedir a itineraris cuerti pes cornèrs de pòbles coma Salardú, Garòs, Unha o Bossòst. Era aplicacion te demanarà de hèr atencion a tot er entorn entà trapar es pistes en patrimòni arquitectonic de cadun des pòbles. Es enfants e joeni seràn clau entà guidar ara sua familha damb es sòns telefòns intelligents.

Ei un cas de ludificacion deth torisme a trauèrs deth léser damb eth precedent dera popularizacion des dinàmiques “scaperoom” (hug dera sala) e es cèrques deth tresòr geolocalizades coma eth geocatching.

Glossari:

Sant Ròc: siguec un peregrin occitan (Montpelhièr) canonizat. Sonque ena Val d’Aran se celèbre eth 16 d’Agost en Bausen, Vilamòs, Bossòst e ei fòrça important en Occitània.

Maqui: eth 19 d’octobre de 1944 era Val d’Aran ère ocupada pera “Operacion reconquista de España” contra eth Generau Francisco Franco, es guerrilhèrs dissidents s’amagauen enes bòsqui e sigueren nomentadi Maquis.

Glèisa dera Purificacion: era Glèisa dera Mair de Diu dera Purificacion se bastic en s.XII en Bossòst e ei ua des mès ben conservades dera Val.

Entà aprigondir

Era istòria deth Baish Aran pendent era guerra civiu espanhòla e anteriora se pot contemplar ena òbra de Melquíades Calzado de Castro en sòn estudi d’archius istorics.

https://la-botiga-de-jornalet.myshopi...

Era Associacion d’Empresaris d’Arties impulse era retolacion deth pòble.

https://www.jornalet.com/video/823/be...

ANTECEDENTS

Era Val d’Aran incremente en un 13% era aucupacion mieja otelèra aguest mes de junhsèga

https://www.conselharan.org/era-val-d...

Un innovant producte toristic hè a conèisher eth Camin deth darrèr Catar.

http://www.radioseu.cat/noticies/un-i...

LIGAMS

Partejatz-mos en Facebook: https://www.facebook.com/ethLigamOc

Partejatz-mos en Twitter: https://twitter.com/ethligamoc

Hètz un don: https://www.paypal.me/jornalet

Emission #027 deth 2021/09/01 de Eth LO, en cooperacion damb #aranésòc de Betevé. Damb eth sosten deth Departament de Cultura dera Generalitat de Catalonha.

#Aranésòc en Facebook: https://www.facebook.com/aranesoc/

#Aranésòc en Twitter: https://twitter.com/aranesoc