@Batko :
Qu'ei tostemps problematic de voler seguir un modèle lingüistic shens tiéner compte de las diferencias de contextes sociò-istòrics.
Dens los país de lenga arabe, los mainats qu'aprenen l'arabe dialectau a casa puish los qui van tà l'escòla i aprenen l'arabe literari.
A noste, la transmission naturau (qu'ei de díser dens l'encastre familiau) de la lenga n'existeish quasi pas mei. La magèra part de la transmission lingüistica que's hè per l'ensenhament. Donc se voletz apitar un estandard e se voletz que servesca vertadierament, n'i a pas sonque duas solucions :
-Ensenhar e lo parlar locau e l'occitan estandard (lo parlar « noble ») e donc explicar aus aprenents que van déver apréner duas variantas de la lenga. Aquò ne'm sembla pas apropriat dab l'objectiu d'ua resocializacion massiva de la lenga...
-N'ensenhar pas sonque la lenga standardizada, e deishar de costat lo parlar locau. Çò que seré ua trava tà la communicacion dab los locutors natius (e que'us ahortiré dens l'idea que parlan ua lenga diferenta de l'occitan). E que miaré, au cap d'ua generacion, a la desapareishuda deus parlars locaus. Per estar occitaniste, que m'estimi mei d'estar à l'IBG que de véder aquò...

Que conselhi a tots que s'interessan a la question de l'estandard lingüistic e de la lenga que volem ensenhar de léger lo libe de l'Eric Fraj (Quin occitan per deman?). Que soi a 100 % d'accòrd dab eth.

Cau prénguer exemple sus l'arabe : los parlars locaus son vivents mès i a un arabe literau qui servís de referéncia.

Es lo polet per cò que l'occitan haja de plan nòus parlants. E l'occitan a besonh de plan, plan, plan,`plan nòus locutors Es la varianta per escriure de llibres sus astronomia, fisica quantica, filosofia, medicina, informatica, architectura, sociologia. L'occitan estandard se deu emplegar dins totas las disciplinas scientificas per TOTS los occitans! De Burdèu a Niça e de les Corbièras a Lèire e dins los libres e dins las revistas especializadas e dins la Television General Occitana e dins la Ràdio . Aquò es pas tan malaisit de comprene!!!

ginhèc!

:-)