De centenats de manifestants independentistas papós assautèron dijòus passat una preson a Jayapura, la capitala de la region indonesiana de la Papoa Occidentala, dins l’illa de la Nòva Guinèa, çò rapòrtan de mèdias locals. Participavan a una manifestacion en favor de l’independéncia d’aquela region, contra lo racisme de la polícia indonesiana e en protèsta per la mòrt, lo jorn precedent, de dos civils.
 
En aprofechant la situacion de caos e d’afrontaments amb la polícia, los manifestants ataquèron la preson d’Abepura, ont èran embarrats qualques unes dels presonièrs politics papós. Mai de 250 personas aurián fugit aquela preson.
 
L’estat indonesian a talhat las comunicacions dins la region, que veniá de viure una setmana de protèstas. Segon Al Jazeera, lo bilanç es de sèt mòrts, dont sièis manifestants e un soldat.
 
Las manifestacions comencèron après que se foguèt sauput que, lo 17 d’agost, las autoritats avián detengut 43 estudiants papós dins la vila de Surabaya, dins l’illa de Java, per la destruccion d’una bandièra indonesiana lo jorn de l’independéncia. En seguida d’aqueles faches, divèrses estudiants se fortifiquèron dins lors dormitòris e la polícia lor auriá tirat de gases lacrimogèns mentre que cridava de paraulas racistas.
 
 
Ocupada per Indonesia dempuèi 1963
 
Las organizacions independentistas de Papoa Occidentala —tant las associacions pacificas coma los grops armats— patisson despuèi de decennis la persecucion politica, militara, judiciària e policièra de l’estat indonesian.
 
Anciana colònia neerlandesa, la Papoa Occidentala foguèt envasida per Indonesia en 1963 e annexada formalament en 1969, après un referendum ont sonque se permetèt la participacion d’un milièr de personas. Los independentistas argumentan que la Papoa Occidentala foguèt pas jamai descolonizada formalament e que, per tant, caldriá organizar un referendum d’autodeterminacion sul territòri.
 
 

INCREDIBLE scenes in #Jayapura, #WestPapua as the #IndonesianFlag (#MerahPutih) is torn down and the #WestPapuan flag (#MorningStar) is raised! Thousands of people can be seen below chanting for freedom! The #WestPapuaUprising continues. #FreeWestPapua#Papua#PortNumbaypic.twitter.com/GeJIw33gwW

— Free West Papua (@FreeWestPapua) September 1, 2019

 
 

Massa yang mengatasnamakan demonstrasi antirasis merusak fasilitas umum di Abepura, Jayapura, Papua. Selain itu massa juga membakar kantor Majelis Rakyat Papua, MRP di Kotaraja. https://t.co/bzwxvNjOTnpic.twitter.com/sg85qpq8MP

— CNN Indonesia Daily (@CNNIDdaily) August 30, 2019

 

Some facts on West Papua:
> Human rights groups are banned.
> International media are banned.
> UN denied access to investigate.
> Over 500,000 civilians have been murdered
> Racism, discrimination, rape & torture are the norm.

...and Indonesia wonders why we want freedom! pic.twitter.com/MhZSvXQDYh

— Benny Wenda (@BennyWenda) August 29, 2019

 

Protests in West Papua have turned violent amid an Internet blackout. Here's what to know https://t.co/OpAI3WqjsE

— TIME (@TIME) August 29, 2019

 

Respect to our brothers and sisters in Papua New Guinea who are taking to the streets in solidarity and demanding freedom for #WestPapua from #Indonesia. We are one people. One soul. We will be free. #WestPapuaUprising#FreeWestPapua#PNGpic.twitter.com/MOTkbZsZOG

— Free West Papua (@FreeWestPapua) August 29, 2019