La lava del volcan Cumbre Vieja, dins l’illa canària de La Palma, arribèt dijòus dins la mar, dètz jorns après l’intrada en erupcion. La colada atenh l’aiga a 1000^oC del temps que l’aiga es a 20^oC, çò que forma de nívols de fum negre e blanc plenas d’acid cloridric. Per evitar d’intoxicacions las autoritats an establit un perimètre de seguretat. Pasmens, cap de persona es pas estada damatjada pels gases.
 
A mesura que se refregís, la lava se solidifica e s’amolona dins la mar. Aquò a entraïnat la formacion en qualques oras d’un delta volcanic qu’espandís la superfícia de l’illa sus l’ocean. Ara per ara, aquel dèlta mesura 17,3 ectaras. Mas l’erupcion es totjorn viva e la colada contunha d’aténher l’aiga.
 
L’Institut de Volcanologia de las Canàrias a publicat sus Internet los images enregistrats que s’i vei coma la colada se precipita dins las aigas de l’Atlantic. Darrièr la cortina de fum e vapor se pòt devinar coma se forma e creis lo dèlta volcanic.
 
 
700 abitatges destruches, 6200 evacuats
 
Per ara la lava a destruch mai de 700 lotjaments, mai que mai de residéncias abitualas de las 6200 personas evacuadas, que son aculhits en çò de lors familhas, de lors amics , o dins d’establiments de la santat publica e d’ostalariás.
 
Lo govèrn espanhòl a declarat coma zòna catastròfica tota l’illa e a aprovat d’ajudas als damatjats per aquerir d’abitatges, de mòbles e d’aparelhs electrodomestics. Son d’ajudas d’urgéncia prèvias a la fasa de reconstruccion. Lo primièr centenat de lotjaments serà disponible aqueste mes d’octòbre e se prevei qu’en fin d’annada n’i aurà environ 300.
 
Agachatz l’erupcion del volcan en dirècte retransmesa per la Television de las Canàrias:
 

 
 
D’autres imatges sus Twitter:
 

Vista del delta de lava grabado por nuestros compañeros en el campo / Video of the lava delta registered by our colleagues in the field #lapalma#erupcionlapalma#lapalmaeruptionpic.twitter.com/cXPmVRqLYA

— INVOLCAN (@involcan) September 29, 2021

 

Entrada de la colada de lava al mar. Vídeo grabado por nuestros compañeros / Entry of the lava flows into the sea. Video recorded by our colleagues #lapalmapic.twitter.com/zMW2x1zenD

— INVOLCAN (@involcan) September 29, 2021

 

Amanece en La Palma y comienza a formarse un delta de lava que poco a poco gana terreno al mar. pic.twitter.com/KNg6jy5Y4K

— Instituto Español de Oceanografía (@IEOoceanografia) September 29, 2021