Lo parlament de Quebèc a aprovat la Lei 96 amb una majoritat larga, 79 vòtes favorables e 29 vòtes contraris. Apelada oficialament “lei sus la lenga oficiala e comuna de Quebèc, lo francés”, aquela iniciativa legislativa a per tòca de “protegir lo francés e de ne consolidar la preponderància legala sus l’anglés dins totes los encastres”. La minoritat anglofòna e los pòbles autoctòns se mobilizan contra.
 
Demest d’autras mesuras, s’intensifica l’obligacion d’etiquetar en francés e s’establís un nombre pus naut de jutges francòfons. Se redutz al 17,5% lo nombre de plaças per estudiar en anglés, s’aumenta las oras de francés per las escòlas anglofònas e s’establís lo mestritge del francés per se diplomar. Las societats de mai de 50 salariats devon far lors comunicacions intèrnas en francés (fins ara o devián far las de mai de 50 emplegats), e s’o fan pas perdràn lor licéncia.
 
 
D’aspèctes polemics
 
Un aspècte fòrça polemic es que desenant los migrants perdràn lo drech d’èsser informats en anglés après 6 meses.
 
Es tanplan polemica la distincion que fa lo tèxt entre “anglofòns istorics” (los que poiràn provar que lors parents estudièron en anglés en Canadà) e los autres parlaires d’anglés. Los critics pensan qu’aquò pòt implicar que los anglofòns d’origina non canadenca poirián pèrdre l’accès als suènhs medicals; una paur que l’a tanben manifestada lo Conselh Mohawk de Kahnawake.
 
La comunitat anglòfona quebequesa a cridat a de mobilizacions contra la lei e a anonciat que denonciariá la lei davant la justícia, e se cal a d’instàncias internacionalas.
 
 
Kahnawake congèla sas relacions amb Quebèc
 
Lo Conselh Mohawk de Kahnawake (CMK) a congeladas sas relacions politicas amb lo govèrn de Quebèc. Planh que los pòbles originaris, mai anglicizats que francizats, pòscan pèrdre l’accès als servicis publics, mai que mai a la justícia e la santat.
 
La majoritat dels joves de Kahnawake fan lors estudis en kanien’kéha e en anglés. Ara l’exigéncia del francés per se diplomar lor apond una pression que considèran inutila.
 
De son latz, lo ministre responsable dels afars autoctòns estima que cal “daissa retombar la posca” e se ditz prèst per trabalhar amb lo CMK per trobar de solucions.

 
 

Adoption de la #loi96 : Kahnawake coupe les ponts avec Québec #Bill96https://t.co/W1SuoRQPUIpic.twitter.com/fiH9NmU5dm

— Soleil Châteauguay (@Cybersoleil) June 1, 2022

 
 
 

LOI 96: La majorité des étudiants de Kahnawake grandissent avec l’espoir d’apprendre leur langue maternelle, Kanien'kéha (la langue Mohawk), en plus d’apprendre l’anglais. L’apprentissage du français ajoute une pression inutile https://t.co/u4YK3EbAQC

— Benoit Voyer (@BenoitVoyer3) May 26, 2022

 

#bonjourhi@Val_Plante stand up for #Montreal#montreallibre
Comme @JuliusGrey#pasmonpremier@francoislegault#pl96#loi96#bill96#polqc#caq#caqapic.twitter.com/Y8aKywJfQb

— Montréal Ensemble (@Montrealensembl) May 27, 2022