Actualitats
Espanha: la Cort Constitucionala arrèsta l’examen d’una lei
Lo primièr ministre Pedro Sánchez ditz que son govèrn prendrà “las mesuras necessàrias” per metre lo ponch final al blocatge dels jutges
Tèxte legit
La Cort Constitucionala d’Espanha acordèt diluns passat de paralisar l’examen d’una lei, ont èra previst de votar dos emendaments per modificar l’eleccion dels candidats al Conselh General del Poder Judiciari e reformar lo delicte de sedicion, del qual son acusats los elegits catalans per aver organizat lo referendum independentista d’octòbre de 2017. Los emendaments, aprovats pels deputats de la cambra bassa, devián èsser votats uèi al Senat.
En reaccion, lo primièr ministre, Pedro Sánchez, a dich que son govèrn prendriá “las mesuras necessàrias” per metre lo ponch final al blocatge dels jutges en n’acusant l’oposicion del Partit Popular. La data d’expiracion del Conselh General del Poder Judiciari a expirat dempuèi quatre annadas, e la manca d’acòrdi dels dos principals partits politics de l’estat a empachat d’elegir los jutges que lo devián renovelar.
Segon Sánchez, la decision dels jutges d’empachar l’examen d’una lei “a pas de precedents” ni en Espanha ni en Euròpa. Pasmens, los precedents pus clars son los nombroses còps que la Cort Constitucionala a entrepachat lo trabalh del Parlament de Catalonha, e justament a la demanda del partit socialista qu’ara se planh.
En reaccion, lo primièr ministre, Pedro Sánchez, a dich que son govèrn prendriá “las mesuras necessàrias” per metre lo ponch final al blocatge dels jutges en n’acusant l’oposicion del Partit Popular. La data d’expiracion del Conselh General del Poder Judiciari a expirat dempuèi quatre annadas, e la manca d’acòrdi dels dos principals partits politics de l’estat a empachat d’elegir los jutges que lo devián renovelar.
Segon Sánchez, la decision dels jutges d’empachar l’examen d’una lei “a pas de precedents” ni en Espanha ni en Euròpa. Pasmens, los precedents pus clars son los nombroses còps que la Cort Constitucionala a entrepachat lo trabalh del Parlament de Catalonha, e justament a la demanda del partit socialista qu’ara se planh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Es çò qu'anavi dire. Quand los jutges neo-franquistas metián los Catalans en preson, lo P"SO"E picava de las mans a s'i far de botiòlas. E ara que son entrepachats, gemegan que gemegaràs.
Ara, aquel mond a besonh dels partits catalans per se manténer al poder. Los partits catalans, s'an un pauc de consciéncia, los deuriá mandar pàisser e que se petacen.
Lo Partit Socialista Obrièr Espanhol (PSOE) se planh de l'accion antidemocratica del Partit Popular Espanhol, (PPE, e doblida que el metèis, lo PSOE, faguèt d'identica maniera amb los partits catalans- coma d'abituda.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari