Cinc abcazes etnics de Siria se son desplaçats en Abcazia dempuèi l'inici de 2012, segon lo Comitat Estatal per la Repatriacion d'aquela republica caucasenca, segon lo jornal Kavkazkii Uzel. Al delà, 85 abcazes son preparats per se desplaçar long de l'annada. 

 


Aquel jornal numeric ditz que las autoritats abcazas dessenhèron al principi de l'an un plan amb l'ambaissada russa de Siria e los centres culturals abcazes de Turquia. La tòca d'aquel plan èra de balhar als abcazes de Siria l'oportunitat de fugir la guèrra civila e de s'installar en Abcazia. 


 

Las gents que se desplaçan cap a Abcazia son de descendents dels muhajirs caucasencs; d'abcazes que fugiguèron Caucàs entre 1860 e 1870 après que l'empèri rus ne conquistèsse lo país.