Actualitats
Val de Ròia: indignacion contra la recepcion de “milièrs d’emendas” per excès de velocitat
Un radar de velocitat installat al nòrd de Ventimilha, sus una rota plan frequentada per de ciutadans franceses per accedir a la Val de Ròia, chepica los menaires.
Tèxte legit
Pendent tot lo mes de decembre, fòrça menaires occitans recebèron de multas per excès de velocitat enregistrat per un radar installat a Porra, una localitat situada al nòrd de Ventimilha, sus la rota que mena a la val de Ròia, çò rapòrta France 3. Lo radar sanciona los veïculs que supèran los 50 km/h, en direccion del nòrd. Los menaires multats aqueste estiu an recebudas las sancions quatre o cinc meses mai tard, çò qu’aital abolís tot l’efièch pedagogic que lo deuriá aver aquel tipe de radar.
Cèrts menaires sancionats an recebudas fòrça emendas a l’encòp, enviadas dels Païses Basses estant (las contravencions son notificadas per una societat neerlandesa) e amb un tèrme de pagament de cinc jorns jos pena de majoracion. Aquò a encolerits los que circulan amb regularitat per aquela estrada entre Menton e Brelh de Ròia, qualques unes dels quals an recebut fins a 30 sancions lo decembre per d’excèsses de velocitat comeses entre julhet e la debuta de setembre.
Qualques politicians an criticada la situacion. Es lo cas del cònsol màger de Brelh de Ròia, Sébastien Olharan, qu’a demandat “lo retirament a minima d’aqueu radar qu’es a mon vejaire unicament fach per ganhar d’argent, e segurament pas dins un ver interès de lucha còntra l’inseguretat estradiera”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per en saubre mai, podretz prener contact emben la ligue de Défense des conducteurs que trobaretz sur Internet e que dit, dempuei au mens 5ans que los radars son fachs per ganhar de l'argent, que l'argent de las emendas sert pas totjorn a ameliorat l'état de las rotas, subretot las departementalas e plen d'autras causas pas totjorn onestas.
Autre cause, si recebetz una emende par mail, quò es la date de recepcion de l'e-mail (e non dau corier per la pòsta) que compta per paiar l'emende. Dins aquel e-mail i a un bouton si voletz un courrier per la pòsta.
Atencion a las arnacas per e-mail que pòd se veire dins l'intitulat dau mail. Rensenha- vos auprès de la gendarmeria o de la ligue de defense daus conductors.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari