Actualitats
Israèl declara lo secretari general de l’ÒNU persona non grata e li enebís l’intrada dins lo país
Lo ministre dels afars estrangièrs acusa Guterres d’aver pas condemnat l’ataca d’Iran contra Israèl
Tèxte legit
Lo govèrn israelian a declarat lo secretari general de l’Organizacion de las Nacions Unidas, António Guterres, persona non grata, e li enebís d’intrar dins lo país. Aquò es estat anonciat pel ministre dels afars estrangièrs israelian, Israël Katz, qu’a afirmat que Guterres aviá pas volgut condemnar “de faiçon clara e sens equivòca” l’ataca de missils d’Iran contra Israèl.
Segon Katz, Guterres sosten los “terroristas, violaires e assassins de l’Hamas, de l’Hizbullah, dels huthis, e ara d’Iran”. “Israèl contunharà de defendre sos ciutadans e sa dignitat nacionala, amb o sens António Guterres”, çò assolida lo ministre de l’estat ebrieu dins un messatge sus X (èx-Twitter).
Lo govèrn israelian a criticat publicament Guterres mantun còp. Considèra d’ara enlà inacceptable lo comunicat emés pauc après la debuta de l’ataca iraniana contra Israèl.
Lo ministèri israelian dels afars estrangièrs afirma que lo comunicat a pas mençonat Iran ni condemnat clarament sa “grèva agression”, e estima que Guterres, doncas, es pas pus lo benvengut.
Article tirat e revirat de Vilaweb
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adishatz monde
Totun, uei 7 d’octobre 2024 : pas un mot sus la tuadèra Barbara deu 7 d’octobre 2023. N’auré donc pas existit ? Boishada ça dab l’espionna mau aunèsta deu dogmatisme aveugle deus qui espían tostemps deu medish costat ?
Per un còp avèm un secretari general de l'ONU qu'es pas una mariòta. A pas un pel sus la lenga per parlar clarament dels dangièrs ecologics. Ara son los sionistas que mancan de s'escanar perque es pas als òrdres de la clica de Netanyaó. Quand arribarà lo moment de renovelar la carga de secretari general, seriá estonant que lo daissen passar. Desrenga tròp d'interesses aqueste Òme.
Israel, creda, creda; sei pus lo mestre dau monde. Te cresam pus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari