Actualitats
La debuta de la COP29 en Azerbaitjan amb una urgéncia per aténher d’acòrdis climatics
La conferéncia climatica de l’ÒNU aurà per objectiu de definir l’ajuda als païses en desvolopament per lor transicion energetica
Tèxte legit
Diluns passat, debutèt la 29a conferéncia climatica de l’ÒNU (COP29) a Bakó, dins un contèxt d’alèrta mondiala davant los efièches devastaires del cambiament climatic. Dins la region de Valéncia, la recenta DANA causèt d’estralhs tragics e istorics; las secadas extrèmas, los incendis de granda amplor e los recòrds de temperatura se multiplican pertot, rendent evidenta la necessitat d’accions urgentas.
La COP29, que durarà fins al 22 de novembre, a per tòca de definir los investiments dels païses desvolopats per sosténer los païses en desvolopament dins lor transicion energetica e per los ajudar a afrontar las catastròfas climaticas que sofriràn. Segon Sud-Ouest, los païses paures demandan de milièrs de miliards annadièrs, mas los païses occidentals jutjan aquò irrealizable. De son costat, Muxtar Babajev, president de la COP29 e ministre de l’ecologia d’Azerbaitjan, mençonèt “de centenas de miliards” dins son discors, mas sens precisions. “La COP29 es un moment de vertat per l’Acòrdi de París”, çò declarèt. L’Acòrdi de París, adoptat pels païses del Mond entièr en 2015, a per mira de conténer l’escalfament mondial a 2°C, e a perseguir los esfòrces per lo conténer a 1,5°C.
La cima suscita pasmens de resèrvas e met las ambicions adoptadas a París en dangièr. Azerbaitjan, òste del rescontre, es lun dels màgers productors de petròli e de gas, e a recentament arrestat de militants ecologistas, çò que causa de controvèrsias sus son implicacion dins los engatjaments climatics. Lo quite Babayev a bastit son experiéncia professionala dins l’entrepresa Socar, del sector petrolièr.
Dins una annada que poiriá èsser la mai cauda de l’istòria, la COP29 ven cruciala per definir d’accions comunas. Las doas setmanas venentas seràn decisivas per veire s’aquela cima marca una virada o se ven simplament una autra escasença mancada dins la lucha contra l’escalfament climatic.
In tough times, I don’t go in for hopes and dreams.
— Simon Stiell (@simonstiell) November 11, 2024
We need human ingenuity and determination to overcome the global #climate crisis.#COP29 needs to stand and deliver - especially on climate finance.
Now is the time to show that global cooperation is rising to this moment. pic.twitter.com/QUaK2mK6OS
Azerbaijan, a major fossil-fuel producer and exporter, is the host of this year’s UN climate conference, COP29. And it has a terrible human rights record.
— Human Rights Watch (@hrw) November 11, 2024
Learn more ⤵️ pic.twitter.com/mzN6M4KhU7
Swedish climate activist Greta Thunberg has organised a demonstration against the #COP29 summit in Baku with Azerbaijani, Armenian, and Georgian activists. pic.twitter.com/Fo5C6AdJSF
— OC Media (@OCMediaorg) November 11, 2024
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fins que vendrà un estiu que i aurà de milions de mòrts de calor ò de set, l'idustrialconsumisme s'aturarà pas d'empoisonar lo mond. E encara las mòrts de calor cal que sian de blancs, d'occidentales, europencs ò amerians. Se son ò d'africans ò d'asiatics, non passarà pas res e tot contunharà parièr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari