Actualitats
Ongria: enebisson la marcha de las fiertats LGBTQI+
La nòrma proïbís explicitament las reünions que “promògan o exibiscan lo cambiament de sèxe de naissença o l’omosexualitat”, jos l’escampa de protegir lo desvolopament fisic, mental e moral dels menors
Tèxte legit
Lo parlament ongrés aprovèt dimars un esmendament de la lei de reünion qu’enebís la tenguda de la marcha de las fiertats LGBTQI+, una decision prepausada pel partit ultraconservator Fidesz, del primièr ministre Viktor Orbán. La mesura a recebuts 136 vòtes en favor e 27 contra, refortissent lo contraròtle del govèrn ongrés suls dreches de reünion e d’expression dins lo país, çò rapòrta ElDiario.es.
La nòva lei interditz explicitament las reünions que “promògan o exibiscan lo cambiament de sèxe de naissença o l’omosexualitat”, jos l’escampa de protegir lo desvolopament fisic, mental e moral dels menors. En mai d’aquò, establís de multas contra los qu’organizarián o participarián a una marcha de las fiertats qu’oscillan entre los 6500 e los 200 000 forints (entre 16 e 500 èuros), çò precisa EuroNews. Las autoritats poiràn utilizar de sistèmas de reconeissença faciala per identificar los contravenents, en se basant sus una lei de 2015.
L’oposicion politica e qualques collectius an reagit amb indignacion. Pendent la sesilha parlamentària, de deputats del partit liberal e centrista Momentum protestèron en alucant de bengalas amb las colors de l’arcolan e en mostrant d’imatges critics amb Orbán. Lo pòrtavotz Máté Hegedűs qualifiquèt l’enebicion coma un acte de faissisme e afirmèt que la marcha de las fiertats es un movement que se pòt pas far calar.
La Comission Europèa a condemnada la decision, en soslinhant que manca als dreches fondamentals de libertat d’expression e de reünion pacifica, de valors essencials dins l’Union Europèa. Hadja Lahbib, comissària europèa encargada de l’egalitat, exprimiguèt son sosten a la comunautat LGBTIQ+ e soslinhèt qu’aquela interdiccion representava un atac contra la dignitat e los dreches umans.
Aqueste movement fa partida d’una estrategia mai larga del govèrn ongrés per restrénher las libertats civilas, que pertòca pas solament lo collectiu LGBTQI+ mas tanben de jornalistas, de jutges e d’activistas. La mesura provòca lo chepic internacional a prepaus de la reculada democratica en Ongria jos Orbán, socialdemocrata convertit a l’ultradrecha.
🇪🇺🚫🏳️🌈Hungary just became the first EU country to ban Pride events in Viktor Orbán's latest anti-LGBTQ crackdown, allowing facial recognition to identify and punish disobedient attendees. Liberal opposition MPs (Momentum party) protested inside parliament by using smoke grenades. pic.twitter.com/dU9aLYm9r6
— Szabolcs Panyi (@panyiszabolcs) March 18, 2025
"We have had enough" - protesters in Hungary after the government banned Pride and introduced a new law that imposes heavy fines on anyone who dares to attend. https://t.co/pNh2jyknlz
— Viktória Serdült (@viktoriaserdult) March 18, 2025
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una fiertat de LGBTQI? Quò es à veire per veire. I a mai de mecontents de los que s'i son engageats que d'uros. Quò vai d'ente?
L'òme a doas colhas; que n'en fai dins sa vita?
La femna en a tres; doas testinas e un clitoris. Que n'en fai dins sa vita?
Quò es lo sisteme de reproduccion daus mamifères que permet de gardar dins son ventre lo nenet 9 mes de mai pus leu que d'aver belcòp de petits que sortiran tant leu nascuts emben mai de pertas.
Quò es una vita a tres durant una vintena d'annadas. Quò banleva la vita de l'individu que se marida e fai daus goiats. Quò es una relacion qu'implica tres personas mas, las relacions son pas estadas ensenhadas per de las raisons istòricas tant de la part de la religion que que de la laicitat.
Tot lo monde se planher que las relacions dins nòstras societats dites avançadas son maridas.
La familha es una escòla per aprener aquela relacion mas òmes o femnas ppreferan veire los travers de l'autre pus leu que los que son dins son uelh.
Quò implica de laissar son individualitat per la comunicacion. Segur que la vita d'uei favorisa pas la familha.
L'òm pòd pas esser liure si l'òm s'escarta d'aquel principi. L'òm pòd regretar que jornalet prener pas lo temps de discutar d'aquel problem e que se lança dins un fanatisme plan espandit per dos poderos que volan l'impausar a tot lo monde e en far un principe de vita.
En Ongaria, enebisson la marcha de las fiertats LGBTQI+. Non lor demòra mai que la marcha de las vergonhas (al pas de l'auca) davant la diversitat umana qu'es tostemps estada çò qu'es. Fascisme ordinari, o la negacion nècia e sistematica de totas las evidéncias. Plan segur, la famosa Comission Europèa a condemnada la decision, en soslinhant que manca als drèits fondamentals de libertat d’expression e de reünion pacifica, de valors essencialas dins l’Union Europèa. Mas s'aquelas valors son efectivament "essencialas" dins l'Union Europèa, coma o pretendon en corala vertuosa, cossí se fa que los partits d'ultra-dreita siá legals e acceptats ? Cossí se fa que se pòscan presentar a d'eleccions democraticas, contra las democracias ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari