Actualitats
L’apartament ont Hollande se tròba amb sa presumida calinhaira provòca una revirada al president de França
L’abitança aperten a un òme condemnat en preson per sos ligams amb un clan criminal còrs
Los mèdias franceses son plens de detalhs sus la presumida relacion amorosa entre lo president François Hollande e l’actritz Julie Gayet, çò qu’es fòrça estonant en una societat que respècta la vida privada de sos òmes politics. Mas aquel afar a fach subitament una virada. Segon d’informacions publicadas sus Mediapart e Le Point, l’apartament ont se trobarián Hollande e Gayet es proprietat de Michel Ferraci, un òme condemnat a 18 meses de preson per una question d’emblanquiment d’argent. Al delà, lo jutjament demostrèt las relacions de Ferraci amb un dels caps del Gang de la Brise de Mer, Richard Casanova, assassinat en 2008.
L’apartament, plaçat al numèro 20 de la Rue du Cirque a París, fòrça près del palais de l’Elisi, pòrta lo nom de Ferraci sus la boita de las letras e sus l’annuari telefonic. A l’ora d’ara i demòra Emmanuelle Hauck, la femna de Ferraci que se separèt d’el, e qu’es amiga de Julie Gayet.
L’apartament, plaçat al numèro 20 de la Rue du Cirque a París, fòrça près del palais de l’Elisi, pòrta lo nom de Ferraci sus la boita de las letras e sus l’annuari telefonic. A l’ora d’ara i demòra Emmanuelle Hauck, la femna de Ferraci que se separèt d’el, e qu’es amiga de Julie Gayet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adishatz,
Sabi pas per Le Point, mes Mediapart a pas dit que l'apartament es proprietat de Ferraci mes "au son nom". Diden tanben qu'uèi, lo balh seré au nom d'Emmanuelle Hauck.
Fin finala, los ligams entre l'apartament e lo grand banditisme còrs semblan fòrça indirèctes (http://www.lemonde.fr/politique/article/2014/01/13/l-affaire-qui-destabilise-francois-hollande_4346989_823448.html). En tot cas, es un afar que marca mal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari