capçalera campanha

Actualitats

SocietatPoliticaInternacional

L’esmovent testimoniatge de Ruqia Hasan: “me talharàn lo cap mas aurai de dignitat”

Sa mòrt es ara coneguda gràcias al collectiu RBSS mas òm crei que seriá estada raubada fa mièg an e assassinada fa aperaquí tres meses

L’Estat Islamic (EI) decapitèt una jornalista siriana de 30 ans, Ruqia Hasan, en l’acusant de far d’espionatge. La nòva se coneis dempuèi qualques jorns, mas òm crei que seriá estada raubada fa mièg an e assassinada fa aperaquí tres meses.
 
Sa mòrt es ara coneguda gràcias al collectiu RBSS (Raqqa is Being Slaughtered Silently), un grop de ciutadans jornalistas que documentan la dura vida dins un fèu de l’Estat Islamic, la vila siriana de Raqqa, ont lo mond subisson la terror dels juhadistas e los bombardaments de las aviacions francesa e russa.
 
A travèrs de son compte de Twitter, lo collectiu RBSS a publicat los darrièrs mots de la jove jornalista: “Soi a Raqqa e ai recebut de menaças de mòrt. Quand l’EI m’arrestarà e me tuarà, aquò serà plan perque me talharàn lo cap mas aurai de dignitat, çò qu’es melhor que de viure dins l’umiliacion amb l’EI”.
 
Ruqia Hasan estudiava la filosofia dins l’universitat siriana d’Alèp. Quand esclatèt la revolucion contra Bashshar Al Asad, rejonguèt las fòrças opausantas e s’installèt a Raqqa. Puèi la vila foguèt ocupada per l’EI. Pasmens, ela volguèt pas abandonar la vila e, amb l’escais de Nissan Ibrahim, publicava de cronicas dins Facebook sus la vida vidanta dins la vila, sus los atacs aerians que recebián e sus los ensages dels jihadistas de talhar Internet. Lo darrièr messatge sus Facebook, Ruqia Hasan lo publiquèt lo 21 de julhet.
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lo vièlh sus la montanha Alamot
4.

#1 Aquesta femna, si qu'èra musulmana. Los pegasses que la tuèron, eles, èran de pegasses, e non pas de musulmans. E mai creguèsson çò contrari…

  • 5
  • 3
Francesc Palma
3.

Què es pot esperar de l'EI ? e dels qu'els ajudan,com la Turquia, Arabia, EE...... què podem esperar de delincuents, assassins, ignorants, misserables, doncs acò, mai crims, assassinats, atemptats,misseria umana. E què podem esperar dels que fan pas tot lo que poden per acabar amb l'EI ? Com l'UE ?

  • 1
  • 0
BOURDON Pau
2.

Que constati que los islamofòbes deu fòrum de Jornalet e demoran muts quan los islamistas radicaus assasinan ua musulmana.

  • 8
  • 5

Escriu un comentari sus aqueste article