L’Assemblada francesa ratifiquèt, lo 22 de febrièr passat a mièjanuèch, lo projècte de lei sus las tres ordonanças que crèan la futura collectivitat de Corsega, amb los vòtes favorables de totes los deputats presents, levat los del partit drechista nomenat Los Republicans. Pasmens, solament un quinzenat de parlamentaris èran dins l’emicicle. La satisfaccion en Corsega èra màger per aquel fach “istoric pel pòble còrs”, coma o disiá Alta Frequenza.
 
La collectivitat unica de Corsega fusionarà, a partir del 1r de genièr de 2018, tres institucions actualas: la collectivitat territoriala e los dos departaments. Es lo meteis modèl que seguisson Martinica e Guaiana, e es un cambiament qu’a lo sosten de la coalicion autonomista e independentista del govèrn de Corsega.
 
Lo president de l’Assemblada de Corsega, Jean-Guy Talamoni, remembrèt que lo movement corsista o esperava dempuèi “40 ans”. Gilles Simeoni, lo president del conselh executiu, çò es lo govèrn còrs, o qualifiquèt de “grand pas pel país“, pr’amor que se concentraràn dins un sol poder public còrs totas las competéncias qu’an, separadament, las regions e los departaments. I aurà d’eleccions per la nòva Assemblada de la collectivitat unica en decembre, çò rapòrta La Croix.
 

00h15 La Collectivité unique est votée à l'#AN. Un passu maiò per u nostru paese ! pic.twitter.com/jmKXKNXwEH

— Gilles Simeoni (@Gilles_Simeoni) 21 de febrer de 2017

 
 

Le Min @JMBaylet & le dép breton @Paul_Molac ont invoqué plusieurs fois la notion de "Peuple corse" pdt les débats parlementaires cette nuit

— Gilles Simeoni (@Gilles_Simeoni) 22 de febrer de 2017