Opinion
Govèrn absent
Diuendres auem sabut dera informacion publica deth decrèt de creacion dera Acadèmia der aranés e der occitan referenciau. Eth decrèt apareishie ena web dera Generalitat de Catalunya tà començar era sua tramitacion.
Atau e coma ère previst, era creacion dera Acadèmia comence eth sòn procès. Un inici que non poderie auer pejors auspicis, ne formes mès maudèstres.
Convieratz damb jo que resulte ofensiu tà un país coma Aran, per petit que sigue, que dempús deth long combat amiat tath reconeishement dera sua lengua, un diuendres, damb eth desconeishement deth sòn govèrn e des sòns representants publics, aparéishe eth decrèt de creacion d’un ens d’aguestes caracteristiques.
Ja demorèc demostrat en Plen deth dia 25 qu’eth govèrn aranés en aguest tèma dera Acadèmia non i pinte arren, ei eth convidat de pèira. Ei per’mor d’evitar aguest ridicul qu’eth sindic Barrera aurie de demanar de forma fulminanta era retirada deth decrèt e er inici d’un procès que contemplèsse era participacion des aranesi e des sues institucions enes decisions sus era sua lengua. Aué çò qu’i a dessús dera taula ei un pialèr d’enganhs e mentides qu’an deishat en evidéncia per non díder en ridicul ath Govèrn aranés.
Aguest decrèt desmentís totes es afirmacions que sus aguest procès auie anonciat eth madeish sindic en diuèrses ocasions. Auie afirmat que i aurie participacion e ne tant solet eth a estat informat , ne convidat a participar. E non sonque aquerò, senon que, eth decrèt invalide es decisions deth pròpi Plen de Conselh Generau, çò que resulte un insult tara pròpria democracia e tàs representants politics deth pòble aranés.
Açò per çò que tanh ath “com”, en çò que tanh ath “que”, eth decrèt vulnère principis fondamentaus com eth dera independéncia d’un ens academic que serà trigat a dit pes govèrns de Catalonha e Aran. Que deu èster ua forma molt academica de garentir era independéncia des sòns membres, se me permet era ironia. E, efectivament aguesta serà era acadèmia der occitan referenciau, ua acadèmia que, segontes eth decrèt aurà un àmbit territoriau catalan. Com e i possible tanta insolvéncia! Resulte evident qu’es lengües non se pòden limitar per espacis territoriaus. A non èster, que coma ja auia anonciat, aguesta acadèmia seguisque eth modèl valencian.
Un trist espectacle que non meriten ne eth pòble aranés, ne eth pòble catalan. Qui assumirà era responsabilitat?
Atau e coma ère previst, era creacion dera Acadèmia comence eth sòn procès. Un inici que non poderie auer pejors auspicis, ne formes mès maudèstres.
Convieratz damb jo que resulte ofensiu tà un país coma Aran, per petit que sigue, que dempús deth long combat amiat tath reconeishement dera sua lengua, un diuendres, damb eth desconeishement deth sòn govèrn e des sòns representants publics, aparéishe eth decrèt de creacion d’un ens d’aguestes caracteristiques.
Ja demorèc demostrat en Plen deth dia 25 qu’eth govèrn aranés en aguest tèma dera Acadèmia non i pinte arren, ei eth convidat de pèira. Ei per’mor d’evitar aguest ridicul qu’eth sindic Barrera aurie de demanar de forma fulminanta era retirada deth decrèt e er inici d’un procès que contemplèsse era participacion des aranesi e des sues institucions enes decisions sus era sua lengua. Aué çò qu’i a dessús dera taula ei un pialèr d’enganhs e mentides qu’an deishat en evidéncia per non díder en ridicul ath Govèrn aranés.
Aguest decrèt desmentís totes es afirmacions que sus aguest procès auie anonciat eth madeish sindic en diuèrses ocasions. Auie afirmat que i aurie participacion e ne tant solet eth a estat informat , ne convidat a participar. E non sonque aquerò, senon que, eth decrèt invalide es decisions deth pròpi Plen de Conselh Generau, çò que resulte un insult tara pròpria democracia e tàs representants politics deth pòble aranés.
Açò per çò que tanh ath “com”, en çò que tanh ath “que”, eth decrèt vulnère principis fondamentaus com eth dera independéncia d’un ens academic que serà trigat a dit pes govèrns de Catalonha e Aran. Que deu èster ua forma molt academica de garentir era independéncia des sòns membres, se me permet era ironia. E, efectivament aguesta serà era acadèmia der occitan referenciau, ua acadèmia que, segontes eth decrèt aurà un àmbit territoriau catalan. Com e i possible tanta insolvéncia! Resulte evident qu’es lengües non se pòden limitar per espacis territoriaus. A non èster, que coma ja auia anonciat, aguesta acadèmia seguisque eth modèl valencian.
Un trist espectacle que non meriten ne eth pòble aranés, ne eth pòble catalan. Qui assumirà era responsabilitat?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari