Vaquí : cau remplaçar "Eths erètges" per "E eths febles" e "sègle" (los 100 ans, pas la grana) per "mes hred". Pensi que va atau.

#5 Que soi content de véder qu'admetes qu'ei miélher de har poèmas que de pas har de "fautas".

A prepaus, qu'èi vist l'expression "aver la republica" per díser "aver las règlas"sus Òctele.
E n'i a qui saben on estó publicat abans, a qué hè referéncia, tot aquò? ... Ei ua referéncia a la revolucion e a la guilhotina qui hè sagnar?

Qu'esperi lo poèma dab "i" dab impaciéncia. Que volèvi har un comentari en n'utilisant pas sonque lo "e" mes qu'èi volut respóner a Domèrgue purmèr...

#5 Lo’AK/LZ de Per Noste qu'ei conhit de pècas e d’incoëréncias, com chic o mic tots los diccionaris occitans existents, lo sacrosant TDF comprés. Shens parlar per eths be’m pensi que’n son perfèitament conscients. Que cau díser aqueth diccionari qu’estó amassat e aprestat per monde qui avèn unhaute atraçaviòca que de har diccionaris e qui hesón, quan avèn vagar, un tribalh enormàs de collectatge e d’esperucatge deu tesaur de la lenga. Tau com ei que respon a ua manca vertadèra a la quau nat n’avèn enqüèra portat remèdi. Qu’a incontestablament contribuit a redinamizar la lenga. E lo diccionari rigorós e de gran qualitat deu Pr Sumien, a qué n’ei? O shens ne'vs demandar tant, perqué ne publícatz pas ua lista de las correccions qui auretz a suggerir? Aquò que seré constructiu e util.

#4 Faure e per Noste son pas de referéncias per la qualitat e la rigor, malaürosament. Faure fa pas de distincion entre 'e' e 'è' en vivaroalpenc, çò qu'es una error enòrma (sol lo lemosin a drech de far aquò). Per Noste conten un fum d'inexactituds: una forma coma eretge* pòt pas existir en cap de cas. — — — Bon aquò rai, çò interessant, subretot, es l'exercici formal d'aqueste poèma, que tròbi admirable e creatiu! Espèri que ne publicaràs d'autres.

#1 Tiò , es lo Faure (vivaro-alpenc) que perpausa "segle". Es aisit de cambiar per chepic de coeréncia, pr'amor que hè pas una rima.