Opinion
Novetats: Firefox Send, Mobilizon en beta, seguiment
Comencem amb Firefox Send una aisina de partatge de fichièrs gròsses. Un còp arribat a la pagina seguenta https://send.firefox.com/ podètz causir lo fichièr que desiretz enviar. Lo servici de Mozilla vos donarà una URL que permet de recuperar lo fichièr. Çò qu’enviatz es chifrat e solament vos e vòstres contactes auràn la clau per deschifrar, mas aquò vos es invisible, tot çò que vos cal far es donar l’URL a la persona que deu telecargar lo fichièr.
Notaretz que lo site se bota solament en occitan se vòstre navegador indica que volètz legir las paginas en occitan en primièr. Vos convidi a cambiar vòstres paramètres lingüistics s’es pas lo cas. La pagina permet pas de cambiar de lenga via un menú. Es una opcion que podètz demandar amb l’espaci de comentaris enbàs a man drech de lor pagina. De còps avèm pas la man suls paramètres, coma suls ordenadors al trabalh.
Per participar a la traduccion / correccion: https://pontoon.mozilla.org/
Lo projècte de Framasoft Mobilizon es ara disponible en beta per provar l’interfàcia.
Podètz ensajar aquí: https://test.mobilizon.org/
Unas decas apareisson sul site d’ensag perque es pas encara sincronizat amb las traduccions actualas.
Per participar o corregir: https://weblate.framasoft.org/
Lo blocador de reclamas Pi-Hole es compatible amb l’internacionalizacion e realizèri la traduccion en occitan fa ara 4 meses. Serà segurament integrada dins una version màger venenta.
Aquesta aisina se compòrta coma un resolvador DNS e filtra las requèstas sus vòstre malhum per dire de neutralizar las publicitats mas tanben los traçadors. Un article de legir sus las nòvas amenaças e perque un blocador de publicitat sul navegador basta pas mai:https://blog.imirhil.fr/2019/
Vos tornarai parlar del projècte dins un article mai complèt.
Trobatz aquí lo site de traduccion del logicial Pi-hole: https://crowdin.com/project/
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Super ! Polit trabalh !
Anam ensajar de relaiar l'informacion !
Osco pèr lou pré-fa !
Bah lo far de seguir, seguiment non ?
O pensavas que l’article èra la seguida d’un autre ?
seguiment... n’es pas lo prumèr còp qu’ac vesi... que’m sembla curiós..
que m’agradré mei : seguida , har seguir o causas atau...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari